ವೇಗದ ಇಲೆಕ್ಟ್ರಿಕ್‌  ಸ್ಕೂಟರ್ ಮಾರುಕಟ್ಟೆಗೆ ಬಿಡುಗಡೆ

ನವದೆಹಲಿ: ದೇಶದ ಅತ್ಯಂತ ವೇಗದ ಇಲೆಕ್ಟ್ರಿಕ್‌ ಸ್ಕೂಟರ್‌ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಸ್ಕೂಟರ್‌ ಮಂಗಳವಾರ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಒಕಿನವಾ ಕಂಪನಿಗೆ ಸೇರಿದ ಸ್ಕೂಟರ್‌ ಇದಾಗಿದೆ.

ನವದೆಹಲಿಯಲ್ಲಿ ಎಕ್ಸ್‌-ಶೋರೂಮ್‌ ಬೆಲೆ 59,889 ರೂ.ಎಂದು ನಿಗದಿ ಮಾಡಲಾಗಿದೆ. ಒಂದು ಬಾರಿ ಅದನ್ನು ಚಾರ್ಜ್‌ ಮಾಡಿದರೆ 170-220 ಕಿಮೀ ವರೆಗೆ ಚಲಿಸುವ ಸಾಮರ್ಥ್ಯ ಹೊಂದಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಇದು ಪರಿಸರಕ್ಕೆ ಶೂನ್ಯ ಪ್ರಮಾಣದಲ್ಲಿ ಹಾನಿ ಉಂಟು ಮಾಡುತ್ತದೆ. ತೆಗೆದು ಜೋಡಿಸಬಹುದಾದ ಲೀಥಿಯಂ ಬ್ಯಾಟರಿಯನ್ನು ಸ್ಕೂಟರ್‌ಗೆ ಅಳವಡಿಸಲಾಗಿದೆ. ಶೇ.80ರಷ್ಟು ಚಾರ್ಜ್‌ ಆಗಲು 45 ನಿಮಿಷ ಬೇಕು.