India 1.25 ಕೋಟಿ ಮಕ್ಕಳಿಗೆ ಬೊಜ್ಜು ಸಮಸ್ಯೆ : ಅಧ್ಯಯನ ವರದಿ

ನವದೆಹಲಿ: ಅಪೌಷ್ಟಿಕತೆ ಅಥವಾ ಸತ್ವರಹಿತ ಆಹಾರದ ಮತ್ತೂಂದು ರೂಪವಾದ ಬೊಜ್ಜು, 2022ರ ಹೊತ್ತಿಗೆ ಭಾರತದ ಮಕ್ಕಳಲ್ಲಿ ಭಾರೀ ಪ್ರಮಾಣದಲ್ಲಿ ಏರಿದೆ. ಹೀಗೆಂದು ಲ್ಯಾನ್ಸೆಟ್‌ ನಿಯತಕಾಲಿಕೆಯಲ್ಲಿ ಪ್ರಕಟವಾದ ವರದಿ ಹೇಳಿದೆ.

1990ರಲ್ಲಿ ಭಾರತದಲ್ಲಿ ಕೇವಲ 4 ಲಕ್ಷ ಮಕ್ಕಳಿಗೆ ಬೊಜ್ಜು ಇತ್ತು. ಈಗ ಆ ಪ್ರಮಾಣ 1.25 ಕೋಟಿಗೇರಿದೆ. ಅಧ್ಯಯನದಲ್ಲಿ 5 ವರ್ಷದಿಂದ 19 ವರ್ಷದೊಳಗಿನ ಮಕ್ಕಳನ್ನು ಪರಿಗಣಿ ಸಲಾಗಿದೆ. ಪ್ರಸ್ತುತ 73 ಲಕ್ಷ ಗಂಡು ಮಕ್ಕಳು, 52 ಲಕ್ಷ ಹೆಣ್ಣು ಮಕ್ಕಳು ವಿಪರೀತ ಬೊಜ್ಜಿನಿಂದ ಪರದಾ ಡುತ್ತಿದ್ದಾರೆ ಎಂದು ಅಧ್ಯಯನ ಹೇಳಿದೆ. ಜಗತ್ತಿನ ಪ್ರಮುಖ ವಿಜ್ಞಾನಿಗಳಿರುವ ಎನ್‌ಸಿಡಿ-ರಿಸ್ಕ್ ಹಾಗೂ ವಿಶ್ವ ಆರೋಗ್ಯ ಸಂಸ್ಥೆಯ ಸಹಯೋಗದಲ್ಲಿ ಜಗತ್ತಿನಾದ್ಯಂತ ಅಧ್ಯಯನ ನಡೆಸ ಲಾಗಿದೆ. ಅದು ನೀಡಿರುವ ಮಾಹಿತಿ ಪ್ರಕಾರ, 1990 ರಿಂದ 2022ರ ನಡುವೆ ಬೊಜ್ಜಿನ ಪ್ರಮಾಣ 4 ಪಟ್ಟು ಏರಿದೆ. ಅಪೌಷ್ಟಿಕತೆ ಯಿಂದ ಜನ ಕೃಶ ಗೊಳ್ಳು ತ್ತಾರೆ. ವಿಪರೀತ ಸತ್ವರಹಿತ ಆಹಾರ ಸೇವನೆಯಿಂದ ಬೊಜ್ಜು ಬರು ತ್ತದೆ ಎಂದು ತಜ್ಞರು ಹೇಳಿದ್ದಾರೆ. ವಿಶ್ವಾದ್ಯಂತ 100 ಕೋಟಿಗೂ ಅಧಿಕ ಮಂದಿ ಅತಿಕಾಯ ಸಮಸ್ಯೆಯಿಂದ ಬಳಲುತ್ತಿದ್ದಾರೆ.