Advertisement
ಇನ್ನುಳಿದ ಪಂದ್ಯಗಳಲ್ಲಿ ಗಾಯೆಲ್ ಮೊನ್ಫಿಲ್ಸ್, ಗ್ರೆಗರಿ ದಿಮಿತ್ರೋವ್ ಮತ್ತು ಸ್ವೆತ್ಲಾನಾ ಕುಜ್ನೆತ್ಸೋವಾ ತಮ್ಮ ಎದುರಾಳಿಯೆದುರು ಜಯ ಸಾಧಿಸಿ ಮುನ್ನಡೆದಿದ್ದಾರೆ.ಉತ್ತಮ ಫಾರ್ಮ್ನಲ್ಲಿರುವ ಜೊಕೋವಿಕ್ ಜೆಕ್ ಗಣರಾಜ್ಯದ ಆ್ಯಡಂ ಪಾವ್ಲಾ ಸೆಕ್ ಅವರನ್ನು ಒಂದು ತಾಸು 33 ನಿಮಿಷಗಳ ಹೋರಾಟದಲ್ಲಿ 6-2, 6-2, 6-1 ಸೆಟ್ಗಳಿಂದ ಸುಲಭವಾಗಿ ಮಣಿಸಿ ಮೂರನೇ ಸುತ್ತಿಗೇರಿದರು.
Related Articles
Advertisement
ವನಿತೆಯರ ಸಿಂಗಲ್ಸ್ ಪಂದ್ಯದಲ್ಲಿ 7ನೇ ಶ್ರೇಯಾಂಕದ ರಶ್ಯದ ಸ್ವೆತ್ಲಾನಾ ಕುಜ್ನೆತ್ಸೋವಾ ತನ್ನ ದೇಶದವರೇ ಆದ ಏಕ್ತರೀನಾ ಮಕರೋವಾ ಅವರನ್ನು 6-0, 7-5 ಸೆಟ್ಗಳಿಂದ ಸೋಲಿಸಿ ಮೂರನೇ ಸುತ್ತು ಪ್ರವೇಶಿಸಿದರು. ಇನ್ನೊಂದು ಪಂದ್ಯದಲ್ಲಿ ಕತಾರ್ನ ಪೊಲೋನಾ ಹೆರ್ಕಾಕ್ ಅವರು 6-7 (2-7), 6-2, 6-2 ಸೆಟ್ಗಳಿಂದ ಅಮೆರಿಕದ ವಾರ್ವರಾ ಲೆಪೆಚೆಂಕೊ ಅವರನ್ನು ಕೆಡಹಿ ಮೂರನೇ ಸುತ್ತಿಗೇರಿದರು.
ಬುಧವಾರ ರಾತ್ರಿ ನಡೆದ ಪಂದ್ಯಗಳಲ್ಲಿ ಅಗ್ರ ಶ್ರೇಯಾಂಕದ ಆ್ಯಂಡಿ ಮರ್ರೆ, ರಫೆಲ್ ನಡಾಲ್, ಕೆಯಿ ನಿಶಿಕೋರಿ, ಮರಿನ್ ಸಿಲಿಕ್, ಸೋಂಗ ತಮ್ಮ ಎದುರಾಳಿಯೆದುರು ಜಯ ಸಾಧಿಸಿ ಮುನ್ನಡೆದಿದ್ದಾರೆ. ವನಿತೆಯರಲ್ಲಿ ಸಿಮೋನಾ ಹಾಲೆಪ್, ವೀನಸ್ ವಿಲಿಯಮ್ಸ್, ಜೋಹಾನಾ ಕೊಂಟಾ ಜಯ ಸಾಧಿಸಿದ್ದರೆ ಪೆಟ್ರಾ ಕ್ವಿಟೋವಾ ಸೋಲನ್ನು ಕಂಡಿದ್ದಾರೆ. ಜೆಕ್ ಗಣರಾಜ್ಯದ ಕ್ವಿಟೋವಾ 3-6, 6-1, 2-6 ಸೆಟ್ಗಳಿಂದ ಅಮೆರಿಕದ ಮ್ಯಾಡಿಸನ್ ಬ್ರೆಂಗಲ್ ಅವರಿಗೆ ಶರಣಾದರು.