ಅಡ್ಮಿನ್‌: ರಾಹುಲ್‌ ಶೇಟ್‌, ಪರಮಾತ್ಮ ಗೌಡ, ವಿಶ್ವಾಸ್‌ ಸಿ.ಪಿ., ಕಾರ್ತಿಕ್‌ ಆರ್‌.
Advertisement
ಓದುವುದರಲ್ಲಿ ತುಸು ಹಿಂದೆ ಉಳಿದ ನಮ್ಮಂಥವರ ಪಾಲಿಗೆ ನೋಟ್ಸ್‌ ಕೊಟ್ಟವನೇ ದೇವ್ರು! ನಮ್ಮ ಸೆಕ್ಷನ್‌ನಲ್ಲಿ ಹಾಗೆ ನೋಟ್ಸ್‌ ಕೊಟ್ಟು ಉದಾರಿ ಆಗೋ ಮನುಷ್ಯ, ರಾಹುಲ್‌ ವೈ. ಶೇಟ್‌. “ಮೂರ್ನಾಲ್ಕು ದಿನ ರಜೆ ಇದ್ದೆ ಕಣೋ, ನೋಟ್ಸ್‌ ಕೊಡ್ತೀಯ’ ಅಂತಂದ್ರೆ, ಬ್ಯಾಗ್‌ನಿಂದ ಕೂಡಲೇ ಎತ್ತಿಕೊಡುವಷ್ಟು ಉದಾರಿ. ತಾನು ಕ್ಲಾಸ್‌ಗೆ ಟಾಪರ್‌ ಆಗಿ, ಮಿಕ್ಕವರನ್ನೂ ಪಾಸ್‌ ಮಾಡುವ ಈ ಸಹೃದಯನಿಗಾಗಿಯೇ ಹಿಂದಿನ ಬೆಂಚಿನವರೆಲ್ಲ ಸೇರಿ, ಒಂದು ವಾಟ್ಸಾಪ್‌ ಗ್ರೂಪ್‌ ಮಾಡಿಕೊಂಡೆವು. ಅದರ ಹೆಸರು, “ರಾಹುಲ್‌ ಝೆರಾಕ್ಸ್‌’! ರಾಹುಲ್‌ನ ನೋಟ್ಸ್‌, ಆತನ ಬಳಿ ಇರುತ್ತಿದ್ದ ಹಳೇ ಪ್ರಶ್ನೆ ಪತ್ರಿಕೆಗಳು, ಕೀ ಪಾಯಿಂಟ್ಸ್‌ಗಳು, ಎಲ್ಲವನ್ನೂ ಇಲ್ಲಿ ಶೇರ್‌ ಮಾಡಿಕೊಳ್ಳುತ್ತಿದ್ದೆವು.