ಕರಾವಳಿಯಲ್ಲಿ  ಸಾಧಾರಣ ಮಳೆ

ಮಂಗಳೂರು/ಉಡುಪಿ: ಕರಾವಳಿಯಲ್ಲಿ ಮಂಗಳವಾರ ಸಾಧಾರಣ ಮಳೆಯಾಗಿದೆ. ಮಂಗಳೂರು, ಉಡುಪಿಯಲ್ಲಿ ಆಗಾಗ ಸಾಧಾರಣ ಮಳೆ ಯಾಗಿದೆ. ಕಿನ್ನಿಗೋಳಿ, ಕಟೀಲು ಪರಿಸರದಲ್ಲಿ ಬಿಟ್ಟೂ ಬಿಟ್ಟು ಸಾಧಾರಣ ಮಳೆಯಾಗಿದೆ. ವೇಣೂರಿನಲ್ಲಿ ಮಧ್ಯಾಹ್ನ ಸ್ವಲ್ಪ ಮಳೆ ಬಂದಿದೆ. ಮಡಂತ್ಯಾರು, ವಿಟ್ಲ, ಬೆಳ್ತಂಗಡಿಯಲ್ಲಿಯೂ ಮಳೆಯಾಗಿದೆ. ಕಾರ್ಕಳ, ಪುತ್ತೂರು, ಸುಳ್ಯದಲ್ಲಿ ಸ್ವಲ್ಪ ಪ್ರಮಾಣದ ಮಳೆ ಬಂದಿದೆ. ಮೂಡಬಿದಿರೆಯಲ್ಲಿ ಮಧ್ಯಾಹ್ನದ ಅನಂತರ ಆಗಾಗ ಸುರಿದಿದೆ. ಕಾರ್ಕಳ ತಾಲೂಕು ನಿಟ್ಟೆ ಗ್ರಾಮದ ಗಿರಿಜಾ ಪೂಜಾರ್ತಿ ಅವರ ಮನೆಯ ಗೋಡೆ ಕುಸಿದು 30,000 ರೂ. ನಷ್ಟವಾಗಿದೆ.