ಇದೀಗ ನೋಕಿಯಾದಿಂದ ಆ್ಯಂಡ್ರಾಯ್ಡ ಫೋನ್‌!

ಹೊಸದಿಲ್ಲಿ: ಬಹುನಿರೀಕ್ಷಿತ, ಒಂದು ಕಾಲದಲ್ಲಿ ಜನರ ಮನಸ್ಸನ್ನು ಗೆದ್ದಿದ್ದ ನೋಕಿಯಾ ಫೋನ್‌ಗಳು ಇದೀಗ ಮತ್ತೆ ಮಾರುಕಟ್ಟೆ ಪ್ರವೇಶಿಸಿವೆ. ಅದೂ ಜನರ ಅತಿ ಬೇಡಿಕೆಯ ಆ್ಯಂಡ್ರಾಯ್ಡ ಫೋನ್‌ ರೂಪದಲ್ಲಿ. ನೋಕಿಯಾ ಬ್ರ್ಯಾಂಡ್‌ನ‌ ಹಕ್ಕು ಹೊಂದಿರುವ ಎಚ್‌ಎಂಡಿ ಗ್ಲೋಬಲ್‌ ನೋಕಿಯಾ 6 ಹೆಸರಿನ ಆ್ಯಂಡ್ರಾಯ್ಡ ಆಪರೇಟಿಂಗ್‌ ಇರುವ ಸ್ಮಾರ್ಟ್‌ಫೋನ್‌ ಬಿಡುಗಡೆ ಮಾಡಿದೆ. ಸದ್ಯ ಇದು ಚೀನದಲ್ಲಿ ಮಾತ್ರ ಲಭ್ಯ. 

ಆ್ಯಂಡ್ರಾಯ್ಡ ನೂತನ ಆವೃತ್ತಿ 7.0 ನುಗಾಟ್‌ ಅನ್ನು ಇದು ಹೊಂದಿದ್ದು, 5.5 ಇಂಚಿನ ಎಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಕ್ವಾಲಕ್‌¾ ಸ್ನಾಪ್‌ಡ್ರಾಗನ್‌ 430 ಎಸ್‌ಒಸಿ ಪ್ರೊಸೆಸರ್‌ ಹೊಂದಿದ್ದು, 4ಜಿಬಿ ರ್ಯಾಮ್‌ ಹೊಂದಿದೆ. 64 ಜಿಬಿ ಹಾರ್ಡ್‌ ಡ್ರೈವ್‌ ಹೊಂದಿದೆ. ನೋಕಿಯಾ 6 ಡ್ಯುಎಲ್‌ ಸಿಮ್‌ ಫೋನ್‌ ಆಗಿದ್ದು, 3000 ಎಮ್‌ಎಎಚ್‌ ಸಾಮರ್ಥ್ಯದ ಬ್ಯಾಟರಿ ಹೊಂದಿದೆ. 16 ಮೆಗಾಪಿಕ್ಸಲ್‌ನ ಹಿಂಬದಿ ಕ್ಯಾಮೆರಾ, 8 ಮೆಗಾಪಿಕ್ಸಲ್‌ನ ಮುಂಭಾಗದ ಕ್ಯಾಮೆರಾ ಹೊಂದಿದೆ. ಸದ್ಯ ಚೀನದಲ್ಲಿ ಇದರ ಬೆಲೆ 16,750 ರೂ. ಆಗಿದೆ. ಸದ್ಯ ಚೀನ ಬಿಟ್ಟು ಬೇರಾವುದೇ ದೇಶಗಳಲ್ಲಿ ನೋಕಿಯಾ ಫೋನ್‌ ಬಿಡುಗಡೆ ಮಾಡುವ ಉದ್ದೇಶವಿಲ್ಲ ಎಂದು ಎಚ್‌ಎಮ್‌ಡಿ ಕಂಪನಿ ಹೇಳಿದೆ.