CT Ravi: ಹುಚ್ಚು ನಾಯಿ ಕಡಿದವರಿಂದ ವಿಷ ಹೇಳಿಕೆ

ಬೆಂಗಳೂರು: ಆರೆಸ್ಸೆಸ್‌ ಹಾಗೂ ಬಿಜೆಪಿಯನ್ನು ವಿಷ ಸರ್ಪಕ್ಕೆ ಹೋಲಿಸಿದ್ದ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರಿಗೆ ತಿರುಗೇಟು ನೀಡಿರುವ ವಿಧಾನ ಪರಿಷತ್‌ ಸದಸ್ಯ ಸಿ.ಟಿ. ರವಿ, ಷರಿಯಾ ವ್ಯವಸ್ಥೆಯಲ್ಲಿ ನಂಬಿಕೆ ಇಟ್ಟವರು ಹಾಗೂ ಹುಚ್ಚು ನಾಯಿ ಕಡಿದವರು ಮಾತ್ರ ಇಂಥ ಹೇಳಿಕೆ ನೀಡಲು ಸಾಧ್ಯ ಎಂದು ಆಕ್ಷೇಪಾರ್ಹ ಹೇಳಿಕೆ ನೀಡಿದ್ದಾರೆ.

ಸುದ್ದಿಗಾರರ ಜತೆಗೆ ಮಾತನಾಡಿ,ಅನುಭವ ಪಕ್ವತೆ ತಂದುಕೊಡಬೇಕು. ಅದು ಅವರ ಹಿರಿತನಕ್ಕೆ ತಕ್ಕ ಮಾತಾಗಿರಲಿಲ್ಲ. ಖರ್ಗೆ ಅವರೇ ಮಾತಾಡಿದ್ದಾರೋ ಅಥವಾ ಯಾರೋ ಅವರ ಮೂಲಕ ಮಾತಾಡಿಸಿದ್ದಾರೋ ಎಂಬ ಅನುಮಾನ ಬರುತ್ತಿದೆ. ರಾಹುಲ್‌ , ಸೋನಿಯಾ ಗಾಂಧಿ ಮಾತಾಡಿಸಿರಬಹುದು ಎಂದರು.