ಕೋವಿಡ್ ಸುಳ್ಸುದ್ದಿ: ಐಸೋಲೇಷನ್‌ ವಾರ್ಡ್‌ನಲ್ಲಿ ಅತ್ಯಾಚಾರ ನಡೆದಿಲ್ಲ

ಮಹಿಳೆಯೊಬ್ಬಳು ಆಸ್ಪತ್ರೆಯ ಹಾಸಿಗೆಯಲ್ಲಿ ಮಲಗಿರುವ ಫೋಟೋವೊಂದು ಕಳೆದೊಂದು ವಾರದಿಂದ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದ್ದು, ಕೋವಿಡ್ ಐಸೋಲೇಷನ್‌ ವಾರ್ಡ್‌ನಲ್ಲಿ ವೈದ್ಯರಿಂದಲೇ ಅತ್ಯಾಚಾರಕ್ಕೊಳಗಾದ ಮಹಿಳೆಯ ಫೋಟೋವಿದು ಎಂದು ಅಡಿಬರಹವನ್ನೂ ಅದಕ್ಕೆ ನೀಡಲಾಗಿದೆ.

ಅದನ್ನು ನಂಬಿದ ಅನೇಕರು ಆ ಸಂದೇಶವನ್ನು ಇನ್ನಷ್ಟು ಗ್ರೂಪ್‌ಗಳಿಗೆ ಫಾರ್ವರ್ಡ್‌ ಮಾಡುತ್ತಲೇ ಇದ್ದಾರೆ. ಆದರೆ, ಇನ್ನು ಮುಂದೆ ಅಂಥ ತಪ್ಪನ್ನು ಮಾಡಬೇಡಿ. ಇದೊಂದು ಸುಳ್ಳು ಸುದ್ದಿ.

ವೈರಲ್‌ ಆಗಿರುವ ಈ ಫೋಟೋ 2017ರದ್ದು. ಉತ್ತರಪ್ರದೇಶದ ಕಾನ್ಪುರದ ಆಸ್ಪತ್ರೆಯಲ್ಲಿ ವಾರ್ಡ್‌ಬಾಯ್‌ ನಿಂದ ಅತ್ಯಾಚಾರಕ್ಕೊಳಗಾದ ಯುವತಿಯ ಫೋಟೋವಿದು. ಅದನ್ನು ಈಗ ತಿರುಚಿ ಕೋವಿಡ್ ಗೆ ಲಿಂಕ್‌ ಮಾಡಲಾಗಿದೆ.

ಆದರೆ, ಬಿಹಾರದ ಗಯಾದಲ್ಲಿ ವಲಸಿಗ ಮಹಿಳೆಯೊಬ್ಬರು ಕೋವಿಡ್ ಐಸೋಲೇಷನ್‌ ವಾರ್ಡ್‌ನಲ್ಲಿ ಆರೋಗ್ಯ ಕಾರ್ಯಕರ್ತರೊಬ್ಬರಿಂದ ಲೈಂಗಿಕ ಕಿರುಕುಳ ಅನುಭವಿಸಿದ್ದಾಗಿ ದೂರು ನೀಡಿರುವಂಥ ಘಟನೆ ನಡೆದಿದೆ.