ವಿಂಡೀಸ್ ಸರಣಿಗೆ ಧವನ್ ಇಲ್ಲ: ತಂಡ ಸೇರಿದ ವಿಕೆಟ್ ಕೀಪರ್

ಮುಂಬೈ: ಮುಂಬರುವ ವೆಸ್ಟ್ ಇಂಡೀಸ್ ವಿರುದ್ಧದ ಚುಟುಕು ಮಾದರಿ ಸರಣಿಗೆ ಭಾರತ ತಂಡದಿಂದ ಆರಂಭಿಕ ಆಟಗಾರ ಶಿಖರ್ ಧವನ್ ಅವರನ್ನು ಕೈಬಿಡಲಾಗಿದೆ. ಧವನ್ ಬದಲು ವಿಕೆಟ್ ಕೀಪರ್ ಬ್ಯಾಟ್ಸಮನ್ ಸಂಜು ಸ್ಯಾಮ್ ಸಂಗ್ ಅವರನ್ನು ಆಯ್ಕೆ ಮಾಡಲಾಗಿದೆ.

ಸಯ್ಯದ್ ಮುಷ್ತಾಕ್ ಅಲಿ ಕೂಟದ ಮಹಾರಾಷ್ಟ್ರ ವಿರುದ್ಧದ ಪಂದ್ಯದಲ್ಲಿ ಶಿಖರ್ ಧವನ್ ಗಾಯಗೊಂಡ ಕಾರಣ ಅವರನ್ನು ತಂಡದಿಂದ ಕೈಬಿಡಲಾಗಿದೆ. ಆದರೆ ಏಕದಿನ ತಂಡದಲ್ಲಿ ಧವನ್ ಮುಂದುವರಿದಿದ್ದು, ಅದರೊಳಗೆ ಧವನ್ ಗುಣಮುಖರಾಗುವ ವಿಶ್ವಾಸವಿದೆ.

ಕಳಪೆ ಫಾರ್ಮ್ ನಲ್ಲಿರುವ ಧವನ್ ಅವರು ತಂಡಕ್ಕೆ ಆಯ್ಕೆಯಾಗುವುದೇ ಅನುಮಾನವಾಗಿತ್ತು. ಆದರು ಕಡೇ ಘಳಿಗೆಯಲ್ಲಿ ಆಯ್ಕೆಯಾದ ಧವನ್ ಗಾಯದಿಂದ ಮತ್ತೆ ಹೊರಬಿದ್ದಿದ್ದಾರೆ. ಕೆಲ ದಿನಗಳ ಹಿಂದೆ ಟ್ವಿಟ್ ಮಾಡಿದ್ದ ಧವನ್ 4-5 ದಿನಗಳ ಒಳಗೆ ಮರಳುವುದಾಗಿ ಅವಸರ ತೋರಿದ್ದರು.