Advertisement

ಪಾದ್ರಿ, ನನ್‌ಗಳಿಗೆ ಆಸ್ತಿ ಹಕ್ಕು ನಿರಾಕರಿಸುವಂತಿಲ್ಲ : ಹೈಕೋರ್ಟ್‌

04:27 PM Jun 09, 2017 | Team Udayavani |

ತಿರುವನಂತಪುರ: ಕ್ರೈಸ್ತ ಪಾದ್ರಿಗಳು ಮತ್ತು ನನ್‌ಗಳಿಗೆ (ಸನ್ಯಾಸಿನಿಯರು) ತಮ್ಮ ಖಾಸಗಿ ಆಸ್ತಿ ಪಾಸ್ತಿಗಳ ಮೇಲಿನ ಹಕ್ಕನ್ನು ನಿರಾಕರಿಸುವಂತಿಲ್ಲ ಎಂದು ಕೇರಳ ಹೈಕೋರ್ಟ್‌ ಹೇಳಿದೆ. 

Advertisement

ಕ್ರೈಸ್ತ ಪಾದ್ರಿಗಳು ಮತ್ತು ನನ್‌ಗಳು ಐಹಿಕ ಸುಖಭೋಗಗಳನ್ನು ತ್ಯಜಿಸಿ ಧಾರ್ಮಿಕ ಸೇವಾ ವಲಯವನ್ನು ಪ್ರವೇಶಿಸಿದ ಮಾತ್ರಕ್ಕೆ ಅವರಿಗೆ, ತಮ್ಮ ಪಾಲಿಗೆ ಸಂದ, ಉತ್ತರಾಧಿಕಾರಿತ್ವದಲ್ಲಿ ಪಡೆದ, ವೈಯಕ್ತಿಕ ಆಸ್ತಿಪಾಸ್ತಿಗಳ ಮೇಲಿನ ಹಕ್ಕು ನಷ್ಟವಾಗುವುದಿಲ್ಲ ಎಂದು ಜಸ್ಟಿಸ್‌ ವಿ ಚಿದಂಬರೀಷ್‌ ಮತ್ತು ಜಸ್ಟಿಸ್‌ ಕೆ ರಾಮಕೃಷ್ಣನ್‌ ಅವರನ್ನು ಒಳಗೊಂಡ ಹೈಕೋರ್ಟ್‌ ಪೀಠ ಹೇಳಿತು.

ಪಾದ್ರಿಗಳು ಹಾಗೂ ನನ್‌ಗಳು ವೇತನದ ಉದ್ಯೋಗಗಳನ್ನು ಹೊಂದಬಹುದು ಎಂದಾದಲ್ಲಿ, ಹಾಗೆಯೇ ಸೇವಾ ಶುಲ್ಕ ಪಡೆಯುವ ವಕೀಲರಾಗಬಹುದು ಎಂದಾದಲ್ಲಿ, ಅವರು ಧಾರ್ಮಿಕ ಸೇವಾ ಕ್ಷೇತ್ರ ತಲುಪಿರುವರೆಂಬ ಕಾರಣಕ್ಕೆ ‘ಪೌರ ಸಾವಿಗೆ’ (civil death) ಗುರಿಯಾಗುವುದಿಲ್ಲ; ಹಾಗಾಗಿ ಅವರು ವೈಯಕ್ತಿಕ ನೆಲೆಯಲ್ಲಿ ತಮ್ಮ ಪಾಲಿಗೆ ಸಲ್ಲುವ ಕಾನೂನು ಬದ್ಧ ಆಸ್ತಿಪಾಸ್ತಿಯನ್ನು ಹೊಂದುವ ಹಕ್ಕನ್ನು ಪಡೆದಿರುತ್ತಾರೆ’ ಎಂದು ಪೀಠವು ಹೇಳಿತು.

Advertisement

Udayavani is now on Telegram. Click here to join our channel and stay updated with the latest news.

Next