ಅಥ್ಲೀಟ್ ಗಳೇ ಚಿಂತಿಸಬೇಡಿ, ನಿಮ್ಮ ಭತ್ಯೆಯಲ್ಲಿ ಕಡಿತವಾಗಲ್ಲ

ಹೊಸದಿಲ್ಲಿ: ಕೋವಿಡ್-19 ಪರಿಣಾಮ ದೇಶದಲ್ಲಿ ದಿಗ್ಬಂಧನ ಹೇರಲಾಗಿದೆ. ದೇಶದ ವಿತ್ತ ಸಚಿವಾಲಯ ಈಗ ಉಂಟಾಗಿರುವ ಆರ್ಥಿಕ ಹೊಡೆತವನ್ನು ನಿಭಾಯಿಸಲು ಎಲ್ಲಾ ಇಲಾಖೆಗಳಿಗೆ ನಿರ್ದೇಶನ ನೀಡಿದ್ದು, ವೆಚ್ಚ ಕಡಿತಗೊಳಿಸಿ ಎಂದು ಸೂಚಿಸಿದೆ. ಈ ಬಿಸಿ ಕ್ರೀಡಾ ಸಚಿವಾಲಯಕ್ಕೂ ತಟ್ಟಿದೆ. ಈ ವಿತ್ತೀಯ ವರ್ಷದ ಮೊದಲ ತ್ರೈಮಾಸಿಕದ ಖರ್ಚು ಶೇ.15ಕ್ಕೆ ಮಿತಿಗೊಳಿಸಬೇಕಾಗಿದೆ. ಆದರೂ ವಿತ್ತ ಸಚಿಬಾಲಯ ವೇತ, ಪಿಂಚಣಿ, ಇತರೆ ಭತ್ಯೆ ತಡೆಹಿಡಿಯಲಾಗುವುದಿಲ್ಲ. ಅದಕ್ಕೆ ಬೇಕಾದ ಹಣ ಇದೆ ಎಂದಿದೆ.

ಮೊದಲ ವಿತ್ತೀಯ ವರ್ಷದಲ್ಲಿ ಸಚಿವಾಲಯ ೊಟ್ಟು ಶೇ.35ರಷ್ಟು ಹಣ ಖರ್ಚು ಮಾಡಲು ಅವಕಾಶವಿತ್ತು. ಅದರಲ್ಲಿ ಶೇ10ರಷ್ಟು ಕಡಿತವಾಗಿದೆ. ಇಷ್ಟಾದರೂ ಕ್ರೀಡಾಪಟುಗಳಿಗೆ ನಾವು ಕೊರತೆ ಮಾಡುವುದಿಲ್ಲ ಎಂದು ಕ್ರೀಡಾಸಚಿವಾಲಯ ಹೇಳಿದೆ.ಹಾಗಾದರೆ ಉಳಿದ ಶೇ.10ರಷ್ಟು ಕಡಿತ ಹೇಗೆ ಆಗುತ್ತದೆ ಎನ್ನುವ ಪ್ರಶ್ನೆ ಮೂಡಿದೆ. ಈಗಿನ ಲೆಕ್ಕಾಚಾರ ಪ್ರಕಾರ, ಮೂಲಭೂತ ಸೌಕರ್ಯದ ಮೇಲೆ ಖರ್ಚು ಮಾಡುವುದಿಲ್ಲ. ಇನ್ನು ಒಲಿಂಪಿಕ್ಸ್ ರದ್ದಾಗಿದೆ. ದೇಶದ ಕ್ರೀಡಾ ಚಟುವಟಿಕೆ ನಿಂತು ಹೋಗಿದೆ. ಆದ್ದರಿಂದ ಹಲವು ಖರ್ಚುಗಳು ಕಡಿಮೆಯಾಗುತ್ತದೆ.

ಕ್ರೀಡಾ ಸಚಿವಾಲಯ 94 ಕ್ರೀಡಾಪಟುಗಳನ್ನು ಗುರಿಯನ್ನಾಗಿಸಿ ಒಲಿಂಪಿಕ್ ಪೋಡಿಯಂ ಯೋಜನೆಗೆ ಗುರುತಿಸಿದೆ. ಅವರಿಗೆ ತಿಂಗಳಿಗೆ 50 ಸಾವಿರ ಸ್ಟೈಪೆಂಡ್ ನೀಡಲಿದೆ. ಇನ್ನು ಖೇಲೋ ಇಂಡಿಯಾ ಯೋಜನೆ ವ್ಯಾಪ್ತಿಗೆ ಬರುವವರಿಗೆ ತಿಂಗಳಿಗೆ 10 ಸವಿರ ನೀಡಲಾಗುತ್ತದೆ. ಈಗಿನ ಅಂದಾಜಿನಂತೆ ಎರಡನೇ ತ್ರೈಮಾಸಿಕದಲ್ಲಿ ಕ್ರೀಡಾ ಚಟುವಟಿಕೆ ಚುರುಕಾಗುತ್ತದೆ. ಮೂರನೇ ತ್ರೈಮಾಸಿಕದಲ್ಲಿ ಖರ್ಚುಗಳು ತನ್ನಿಂದ ತಾನೇ ಹೆಚ್ಚುತ್ತದೆ.