ನಿರೂಪ್‌ ಹೊಸ ಚಿತ್ರ ಶುರುವಾಯ್ತು



ನಿರೂಪ್‌ ಭಂಡಾರಿ ಹಾಗೂ ರಾಧಿಕಾ ಪಂಡಿತ್‌ ಕಾಂಬಿನೇಶನ್‌ನಲ್ಲಿ ಒಂದು ಸಿನಿಮಾ ಶುರುವಾಗಲಿದೆ ಎಂಬ ವಿಚಾರ ನಿಮಗೆ ಗೊತ್ತೇ ಇದೆ. ಈ ಚಿತ್ರಕ್ಕೆ ಶುಕ್ರವಾರ ಮುಹೂರ್ತ ನಡೆದಿದೆ. ಸಜ್ಜನ್‌ರಾವ್‌ ಸರ್ಕಲ್‌ನಲ್ಲಿರುವ ಸುಬ್ರಮಣ್ಯ ಸ್ವಾಮಿ ದೇವಸ್ಥಾನದಲ್ಲಿ ಚಿತ್ರ ಸೆಟ್ಟೇರಿದೆ. ಈ ಚಿತ್ರವನ್ನು ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಿಸುತ್ತಿದ್ದು, ವಿ.ಪ್ರಿಯಾ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ.

ಅಂದಹಾಗೆ, ಮದುವೆಯಾದ ಬಳಿಕ ರಾಧಿಕಾ ಪಂಡಿತ್‌ ಒಪ್ಪಿಕೊಂಡ ಮೊದಲ ಸಿನಿಮಾವಿದು. “ರಂಗಿತರಂಗ’ ಮೂಲಕ ಚಿತ್ರರಂಗಕ್ಕೆ ಬಂದ ನಿರೂಪ್‌ ಭಂಡಾರಿ ನಟನೆಯ ಎರಡನೇ ಚಿತ್ರ “ರಾಜರಥ’ ಬಿಡುಗಡೆಯ ಹಂತಕ್ಕೆ ಬಂದಿದೆ. ಈಗ ಹೊಸ ಚಿತ್ರ ಆರಂಭವಾಗಿದ್ದು, ಇದು ಅವರ ಮೂರನೇ ಚಿತ್ರ.