82 ವಿದ್ಯಾರ್ಥಿನಿಯರ ಬಿಡುಗಡೆ ಮಾಡಿದ ಜಿಹಾದಿಗಳು

ಅಬುಜಾ: ನೈಜೀರಿಯಾದ ಈಶಾನ್ಯ ಭಾಗದಿಂದ 2014ರಲ್ಲಿ ಅಪಹರಣಕ್ಕೊಳಗಾಗಿದ್ದ 200 ಚಿಬೋಕ್‌ ಶಾಲಾ ಬಾಲಕಿಯರ ಪೈಕಿ 82 ಬಾಲಕಿಯರನ್ನು ಜಿಹಾದಿಗಳು ಭಾನುವಾರ ಬಿಡುಗಡೆ ಮಾಡಿದ್ದಾರೆ. ಸ್ಥಳೀಯ ಸರಕಾರದೊಂದಿಗೆ ಆರು ತಿಂಗಳುಗಳ ಕಾಲ ನಡೆದ ಸುದೀರ್ಘ‌ ಮಾತುಕತೆ ನಂತರ ಈ ಬೆಳವಣಿಗೆ ನಡೆದಿದೆ. ಸೆರೆಯಾಳುಗಳಾಗಿದ್ದ ಬಾಲಕಿಯರ ಬದಲಿಗೆ ಜಿಹಾದಿ ಕೈದಿಗಳನ್ನು ಬಿಡುಗಡೆ ಮಾಡುವ ಕರಾರಿಗೆ ನೈಜೀರಿಯಾ ಅಧ್ಯಕ್ಷ ಮುಹುಮ್ಮದು ಬುಹಾರಿ ಸಮ್ಮತಿಸಿದ್ದು, ಅದರಂತೆ ಮೊದಲ ಹಂತದ ವಿನಿಮಯ ನಡೆದಿದೆ. ಆದರೆ, 82 ಬಾಲಕಿಯರಿಗೆ ಪ್ರತಿಯಾಗಿ ಎಷ್ಟು ಕೈದಿಗಳನ್ನು ಬಿಡಗುಡೆ ಮಾಡಲಾಗಿದೆ ಎಂಬುದು ತಿಳಿದುಬಂದಿಲ್ಲ.