Padubidri: ಡಿವೈಡರ್‌ ಏರಿ ಬಂದು ಕಾರಿಗೆ ಢಿಕ್ಕಿ ಬಾಲಕಿ ಸೇರಿ ಮೂವರಿಗೆ ಗಾಯ

ಪಡುಬಿದ್ರಿ: ಉಚ್ಚಿಲ ಮಹಾಲಕ್ಷ್ಮೀ ದೇಗುಲದ ಸಮೀಪ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ನ. 9ರಂದು ಬೆಳಗ್ಗೆ ಮಂಗಳೂರಿನತ್ತ ಹೋಗುತ್ತಿದ್ದ ಬೊಲೆರೋ ಜೀಪೊಂದು ಡಿವೈಡರ್‌ ಮೇಲೇರಿ ಬಂದು ಮಂಗಳೂರಿನಿಂದ ಗೋಕರ್ಣಕ್ಕೆ ಹೋಗುತ್ತಿದ್ದ ಕಾರಿಗೆ ಢಿಕ್ಕಿಯಾಗಿ ಕಾರು ಚಲಾಯಿಸುತ್ತಿದ್ದ ಸೂರಜ್‌ ನಾಯಕ್‌ ಸುಜೀರ್‌ (37), ಅನುರಾಧಾ ನಾಯಕ್‌ (36) ಹಾಗೂ ಅವರ ಮಗಳು ಶ್ರದ್ಧಾ (10) ಗಾಯಗೊಂಡರು.

ಗಾಯಾಳುಗಳನ್ನು ಉಡುಪಿಯ ಖಾಸಗಿ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ಕೊಡಿಸಿ ಆ ಬಳಿಕ ಮಂಗಳೂರಿನ ಕೆಎಂಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಇವರ ಕೈ, ಕಾಲು, ತಲೆಗಳಿಗೆ ಗಾಯಗಳಾಗಿವೆ. ಆರೋಪಿ ಚಾಲಕ ಶಿವಪ್ರಸಾದ್‌ಗೂ ಗಾಯಗಳಾಗಿವೆ. ಪಡುಬಿದ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.