Advertisement
ಇಂಗ್ಲೆಂಡ್‌ 8 ವಿಕೆಟಿಗೆ 435 ರನ್‌ ಪೇರಿಸಿ ಡಿಕ್ಲೇರ್‌ ಮಾಡಿದ್ದು, ಜವಾಬಿತ್ತ ನ್ಯೂಜಿಲ್ಯಾಂಡ್‌ 138ಕ್ಕೆ 7 ವಿಕೆಟ್‌ ಕಳೆದುಕೊಂಡು ದ್ವಿತೀಯ ದಿನದಾಟ ಮುಗಿಸಿದೆ. ಇನ್ನೂ 297 ರನ್‌ ಹಿನ್ನಡೆಯಲ್ಲಿದೆ. ಮೊದಲ ಟೆಸ್ಟ್‌ ಪಂದ್ಯವನ್ನು 267 ರನ್ನುಗಳ ಭಾರೀ ಅಂತರದಿಂದ ಕಳೆದುಕೊಂಡಿದ್ದ ಕಿವೀಸ್‌, ದ್ವಿತೀಯ ಪಂದ್ಯದಲ್ಲೂ ಅಪಾಯಕ್ಕೆ ಸಿಲುಕಿದೆ.ಜೇಮ್ಸ್‌ ಆ್ಯಂಡರ್ಸನ್‌ ಮತ್ತು ಜಾಕ್‌ ಲೀಚ್‌ ತಲಾ 3 ವಿಕೆಟ್‌ ಉರುಳಿಸಿದರು. ಒಂದು ವಿಕೆಟ್‌ ಸ್ಟುವರ್ಟ್‌ ಬ್ರಾಡ್‌ ಕೆಡವಿದರು.
Related Articles
ಇಂಗ್ಲೆಂಡ್‌ 3ಕ್ಕೆ 315 ರನ್‌ ಮಾಡಿ ಮೊದಲ ದಿನದಾಟ ಮುಗಿಸಿತ್ತು. ಜೋ ರೂಟ್‌ 101 ಮತ್ತು ಹ್ಯಾರಿ ಬ್ರೂಕ್‌ 184 ರನ್‌ ಮಾಡಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದರು. ಆದರೆ ಬ್ರೂಕ್‌ ಅವರ ಚೊಚ್ಚಲ ದ್ವಿಶತಕದ ಆಸೆ ಈಡೇರಲಿಲ್ಲ. ಕೇವಲ 2 ರನ್‌ ಸೇರಿಸಿ ನಿರ್ಗಮಿಸಿದರು. ಆದರೆ ರೂಟ್‌ ನೂರೈವತ್ತರ ಗಡಿ ದಾಟುವಲ್ಲಿ ಯಶಸ್ವಿಯಾದರು. ಕೂಡಲೇ ಸ್ಟೋಕ್ಸ್‌ ಇನ್ನಿಂಗ್ಸ್‌ ಡಿಕ್ಲೇರ್‌ ಮಾಡಿದರು.
Advertisement
ರೂಟ್‌ 224 ಎಸೆತಗಳಿಂದ ಅಜೇಯ 153 ರನ್‌ ಹೊಡೆದರು (10 ಬೌಂಡರಿ, 3 ಸಿಕ್ಸರ್‌). ಬ್ರೂಕ್‌ ಅವರ 186 ರನ್‌ 176 ಎಸೆತಗಳಿಂದ ಬಂತು. ಸಿಡಿಸಿದ್ದು 24 ಬೌಂಡರಿ ಮತ್ತು 5 ಸಿಕ್ಸರ್‌.
ಸಂಕ್ಷಿಪ್ತ ಸ್ಕೋರ್‌: ಇಂಗ್ಲೆಂಡ್‌-8 ವಿಕೆಟಿಗೆ 435 ಡಿಕ್ಲೇರ್‌ (ಬ್ರೂಕ್‌ 186, ರೂಟ್‌ ಔಟಾಗದೆ 153, ಸ್ಟೋಕ್ಸ್‌ 27, ಹೆನ್ರಿ 100ಕ್ಕೆ 4, ಬ್ರೇಸ್‌ವೆಲ್‌ 54ಕ್ಕೆ 2). ನ್ಯೂಜಿಲ್ಯಾಂಡ್‌-7 ವಿಕೆಟಿಗೆ 138 (ಲ್ಯಾಥಂ 35, ನಿಕೋಲ್ಸ್‌ 30, ಬ್ಲಿಂಡೆಲ್‌ ಬ್ಯಾಟಿಂಗ್‌ 25, ಸೌಥಿ ಬ್ಯಾಟಿಂಗ್‌ 23, ಆ್ಯಂಡರ್ಸನ್‌ 37ಕ್ಕೆ 3, ಲೀಚ್‌ 45ಕ್ಕೆ 3).