ನ್ಯೂಯಾರ್ಕ್‌ ಓಪನ್‌ ಟೆನಿಸ್‌ ಮೊದಲ ಪ್ರಶಸ್ತಿ ಜಯಿಸಿದ ಒಪೆಲ್ಕ

ನ್ಯೂಯಾರ್ಕ್‌: ಅಮೆರಿಕದ ರಿಲೀ ಒಪೆಲ್ಕ “ನ್ಯೂಯಾರ್ಕ್‌ ಓಪನ್‌’ ಫೈನಲ್‌ನಲ್ಲಿ ಕೆನಡಾದ ಬ್ರೇಡನ್‌ ಶು°ರ್‌ ಅವರನ್ನು ಸೋಲಿಸಿ ಮೊದಲ ಟೂರ್‌ ಪ್ರಶಸ್ತಿ ಜಯಿಸಿದ್ದಾರೆ.

ಜಿದ್ದಾಜಿದ್ದಿ ಫೈನಲ್‌ ಹಣಾಹಣಿಯಲ್ಲಿ 21ರ ಹರೆಯದ ಒಪೆಲ್ಕ 6-1, 6-7 (7-9), 7-6 (9-7) ಅಂತರದಿಂದ ಶು°ರ್‌ ವಿರುದ್ಧ ಗೆಲುವು ದಾಖಲಿಸಿದರು. ಮೊದಲ ಸೆಟ್‌ ಅನ್ನು ಸುಲಭವಾಗಿ ಜಯಿಸಿದ ಒಪೆಲ್ಕ ದ್ವಿತೀಯ ಸೆಟ್‌ನಲ್ಲಿ ಭಾರೀ ಹೋರಾಟ ನಡೆಸಿಯೂ ಸೋಲು ಕಾಣಬೇಕಾಯಿತು. ಅಂತಿಮ ಸೆಟ್‌ನಲ್ಲಿ ಇವರಿಬ್ಬರ ನಡುವೆ ತೀವ್ರ ಪೈಪೋಟಿಯೇ ನಡೆಯಿತು. ಟೈ ಬ್ರೇಕರ್‌ಗೆ ಸಾಗಿದ ಈ ಸೆಟ್‌ನಲ್ಲಿ ಮೇಲುಗೈ ಸಾಧಿಸಿದ ಒಪೆಲ್ಕ್ ಪ್ರಶಸ್ತಿ ತಮ್ಮದಾಗಿಸಿಕೊಳ್ಳುವಲ್ಲಿ ಯಶಸ್ವಿಯಾದರು.

ಅಂಕ 7-7ರಿಂದ ಸಮನಾದ ವೇಳೆ ಭರ್ಜರಿ ಏಸ್‌ ಮೂಲಕ ಒಪೆಲ್ಕ ಮೇಲುಗೈ ಸಾಧಿಸಿದರು. ಇದು ಪ್ರಶಸ್ತಿ ಕಾದಾಟದಲ್ಲಿ ಒಪೆಲ್ಕ ದಾಖಲಿಸಿದ 43ನೇ ಏಸ್‌ ಆಗಿತ್ತು.