Advertisement
ಈ ಅಂಗನವಾಡಿಯು ಪೂರ್ಣವಾಗಿ ಸರಕಾರದ ಸುಪರ್ದಿಗೆ ಬರುವುದಿಲ್ಲ. ಅಂಗನವಾಡಿಯ ಕಾಮಗಾರಿಯ ಖರ್ಚು ವೆಚ್ಚವನ್ನು ಪ್ರಗತಿ ಮಹಿಳಾ ಮಂಡಲದ ಕಾರ್ಯಕರ್ತರು ನಿಭಾಯಿಸುತ್ತಿದ್ದಾರೆ. ಈಗ ಅವರೇ ಸ್ವಂತ ಹಣದಿಂದ ದುರಸ್ತಿ ಕಾಮಗಾರಿಯನ್ನೂ ನಡೆಸಿದ್ದಾರೆ.
ಅಂಗನವಾಡಿ ಪಕ್ಕದಲ್ಲಿಯೇ ದೊಡ್ಡದಾದ ಮರವಿದ್ದು, ಇದರ ರೆಂಬೆಗಳು ಬೀಳುವ ಸ್ಥಿತಿಯಲ್ಲಿವೆ. ಈ ಹಿಂದೆಯೂ ರೆಂಬೆ ಬಿದ್ದು, ಅನೇಕ ಶೀಟ್‌ಗಳು ಒಡೆದು ಹೋಗಿದ್ದವು. ಈ ಬಗ್ಗೆ ಮಹಿಳಾ ಮಂಡಳಿ ಕಾರ್ಯಕರ್ತೆಯರು ಅರಣ್ಯ ಇಲಾಖೆಗೆ ಪತ್ರ ಬರೆದಿದ್ದು, ಕೂಡಲೇ ಸೂಕ್ತ ಕ್ರಮ ಕೈಗೊಳ್ಳುತ್ತೇವೆ ಎಂಬ ಭರವಸೆಯನ್ನು ಅಧಿಕಾರಿಗಳು ನೀಡಿದ್ದಾರೆ. ಅಂಗನವಾಡಿ ದುರಸ್ತಿಯಲ್ಲಿ ಪ್ರಗತಿ ಮಹಿಳಾ ಮಂಡಲದ ಸದಸ್ಯೆ ಪುಷ್ಪಾವತಿ ಸಹಿತ ಅಂಗನವಾಡಿ ಶಿಕ್ಷಕಿ, ಆಶಾ ಕಾರ್ಯಕರ್ತೆಯರು ಭಾಗವಹಿಸಿದ್ದರು. ಅಲ್ಲದೆ, ಅಂಗನವಾಡಿ ಮಕ್ಕಳ ಪೋಷಕರು ಕೂಡ ಕೈಜೋಡಿಸಿದ್ದರು. ಕಾಮಗಾರಿ ವೇಳೆ ಮಕ್ಕಳ ಪಾಠಕ್ಕೆ ಯಾವುದೇ ತೊಂದರೆಯಾದಂತೆ ಕಾಮಗಾರಿ ನಿರ್ವಹಿಸಲಾಗಿತ್ತು.
Related Articles
ಅಂಗನವಾಡಿ ಕಟ್ಟಡದ ದುಃಸ್ಥಿತಿ ಬಗ್ಗೆ ‘ಸುದಿನ’ ಅ.17ರಂದು ವಿಶೇಷ ವರದಿ ಪ್ರಕಟಿಸಿತ್ತು. ಇದರಿಂದ ಎಚ್ಚೆತ್ತ ಇಲಾಖಾ ಅಧಿಕಾರಿಗಳು ಕೂಡಲೇ ಸ್ಥಳಕ್ಕೆ ಭೇಟಿ ನೀಡಿ ತತ್‌ಕ್ಷಣವೇ ಕಾಮಗಾರಿ ನಡೆಸುವಂತೆ ಆದೇಶಿಸಿದ ಪರಿಣಾಮ ಮೊದಲನೇ ಹಂತದ ಕಾಮಗಾರಿ ನಡೆದಿತ್ತು. ಬಳಿಕ ಮಳೆಯ ಕಾರಣದಿಂದಾಗಿ ಗೋಡೆಗಳಿಗೆ ಪೈಂಟ್‌ ಬಳಿಯಲು ಸಾಧ್ಯವಾಗಲಿಲ್ಲ.
Advertisement
ತುರ್ತು ಕೆಲಸ ಪೂರ್ಣಸದ್ಯ ಅಂಗನವಾಡಿಗೆ ಪೈಂಟ್‌ ಬಳಿದು ಕಿಟಕಿಗೆ ಗಾಜು ಅಳವಡಿಸಲಾಗಿದೆ. ಒಡೆದು ಹೋಗಿದ್ದ ಶೀಟ್‌ಗಳನ್ನು ಬದಲಾಯಿಸಲಾಗಿದೆ. ತುರ್ತು ಕಾಮಗಾರಿ ಪೂರ್ಣಗೊಂಡಿದ್ದು, ಮುಂದಿನ ದಿನಗಳಲ್ಲಿ ನೆಲಕ್ಕೆ ಸಿಮೆಂಟ್‌ ಹಾಕುವ ಕೆಲಸ ಮಾಡಲಾಗುವುದು. ಪ್ರಗತಿ ಮಹಿಳಾ ಮಂಡಲದ ಕಾರ್ಯಕರ್ತೆಯರ ವಿಶೇಷ ಮುತು ವರ್ಜಿಯಿಂದ ಈ ಕಾರ್ಯಗಳು ನಡೆದಿವೆ.
– ಶೋಭಾ, ಮಹಿಳಾ ಮತ್ತು ಮಕ್ಕಳ
ಅಭಿವೃದ್ಧಿ ಇಲಾಖೆ ಅಧಿಕಾರಿ, ಮಂಗಳೂರು