New Delhi; 1.2 ಲಕ್ಷ ಸಾಗರೋತ್ತರ ಮತದಾರರ ಪೈಕಿ ಹಕ್ಕು ಚಲಾಯಿಸಿದ್ದು 2958 ಮಾತ್ರ

ನವದೆಹಲಿ: ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಸುಮಾರು 1.2 ಲಕ್ಷ ಸಾಗರೋತ್ತರ ಮತದಾರರು ಮತದಾರರ ಪಟ್ಟಿಗೆ ಹೆಸರು ನೋಂದಣಿ ಮಾಡಿದ್ದಾರೆ.

ಆದರೆ ಮತ ಚಲಾವಣೆ ಮಾಡಿದ್ದು ಮಾತ್ರ ಕೇವಲ 2958 ಮಂದಿ ಎಂದು ಚುನಾವಣಾ ಆಯೋಗದ ದತ್ತಾಂಶ ತಿಳಿ ಸಿದೆ. 2024ರಲ್ಲಿ 1,19,374 ಮಂದಿ ಸಾಗರೋತ್ತರ ಮತದಾರರು ನೋಂದಣಿ ಮಾಡಿದ್ದು, 2019ರಲ್ಲಿ ಈ ಸಂಖ್ಯೆ 99,844 ಇತ್ತು. ಈ ಬಾರಿ 89,839 ಮಂದಿಯ ನೋಂದಣಿಯೊಂದಿಗೆ ಕೇರಳ ಮೊದಲ ಸ್ಥಾನದಲ್ಲಿದೆ. ಆದರೆ ಇಷ್ಟು ನೋಂದಣಿಯ ಹೊರತಾಗಿಯೂ ಕೇವಲ 2958 ಮಂದಿಯಷ್ಟೇ ಭಾರತಕ್ಕೆ ಬಂದು ಮತ ಚಲಾವಣೆ ಮಾಡಿದ್ದಾರೆ. ಇದರಲ್ಲಿ ಕರ್ನಾಟಕದ ಒಬ್ಬರೂ ಇಲ್ಲ.