New Delhi: 2 ಹೊಸ ಪ್ರದೇಶ ಗುರುತಿಸಿ ಚೀನಾದಿಂದ ಮತ್ತೆ ಕ್ಯಾತೆ!

ನವದೆಹಲಿ: ಭಾರತದೊಂದಿಗಿನ ಚೀನಾದ ಗಡಿ ಸಮಸ್ಯೆ ಮುಕ್ತಾಯವಾಗುತ್ತಿದೆ ಎಂಬ ಬೆನ್ನಲ್ಲೇ ಚೀನಾ ಮತ್ತೂಂದು ಕ್ಯಾತೆ ಆರಂಭಿಸಿದೆ.

ಚೀನಾಗೆ ಸೇರಿದ 2 ಹೊಸ ಪ್ರದೇಶಗಳನ್ನು ಅಲ್ಲಿನ ಸರ್ಕಾರ ಘೋಷಣೆ ಮಾಡಿದ್ದು, ಇದರಲ್ಲಿ ಅಕ್ಸಾಯ್‌ ಚಿನ್‌ನ ಪ್ರದೇಶವೂ ಸೇರಿದೆ ಎಂದು ವರದಿಗಳು ತಿಳಿಸಿವೆ.

ಚೀನಾದ ಹೊಸ ಘೋಷಣೆಯ ಬಗ್ಗೆ ವರದಿ ಮಾಡಿರುವ ಅಲ್ಲಿನ ಮಾಧ್ಯಮ ‘ಶಿನ್‌ಹುವಾ’, “ಚೀನಾ 2 ಹೊಸ ಪ್ರದೇಶಗಳನ್ನು ಘೋಷಣೆ ಮಾಡಿದೆ. ಇವುಗಳಿಗೆ ‘ಹಿಆನ್‌’ ಮತ್ತು ‘ಹೆಕಾಂಗ್‌’ ಎಂದು ಹೆಸರಿಡಲಾಗಿದೆ. ಇವುಗಳ ಆಡಳಿತ ಕೇಂದ್ರಗಳಾಗಿ “ಹೊನ್‌ ಗಿಲು’ ಮತ್ತು ‘ಶಿಯಿಡುಲಾ’ಗಳನ್ನು ಕ್ರಮವಾಗಿ ಘೋಷಿಸಲಾಗಿದೆ’ ಎಂದು ಹೇಳಿದೆ.

ಭಾರತದ ಗಡಿಗೆ ಸಮೀಪದಲ್ಲೇ ಚೀನಾ ಹೊಸ ಪ್ರದೇಶವನ್ನು ಘೋಷಣೆ ಮಾಡಿದ್ದರೂ ಸಹ ಕೇಂದ್ರ ಸರ್ಕಾರ ಇದಕ್ಕೆ ಯಾವುದೇ ಅಧಿಕೃತ ಪ್ರತಿಕ್ರಿಯೆಯನ್ನು ನೀಡಿಲ್ಲ. ಗಡಿ ಪ್ರದೇಶಕ್ಕೆ ಸಂಬಂಧಿಸಿದಂತೆ 5 ವರ್ಷಗಳ ಹಿಂದೆ ನಿಂತುಹೋಗಿದ್ದ ಮಾತುಕತೆಯನ್ನು ಉಭಯ ದೇಶಗಳು ಮತ್ತೆ ಆರಂಭಿಸಿದ 10 ದಿನಗಳ ಬಳಿಕ ಈ ವಿವಾದ ಆರಂಭವಾಗಿದೆ.