ಫೋರ್ಡ್‌ ಇಂಡಿಯಾ ಕಂಪನಿಯ ಸನಂದ್‌ ಸ್ಥಾವರ ಈಗ ಟಾಟಾ ತೆಕ್ಕೆಗೆ

ನವದೆಹಲಿ: ಗುಜರಾತ್‌ನಲ್ಲಿರುವ ಫೋರ್ಡ್‌ ಇಂಡಿಯಾ ಕಂಪನಿಯ ಸನಂದ್‌ ಉತ್ಪಾದನಾ ಸ್ಥಾವರವನ್ನು ಟಾಟಾ ಮೋಟಾರ್ಸ್‌ ಕಂಪನಿಯು ಬರೋಬ್ಬರಿ 725.70 ಕೋಟಿ ರೂ.ಗಳಿಗೆ ಖರೀದಿಸಿದೆ.

ಸೋಮವಾರ ಟಾಟಾ ಪ್ಯಾಸೆಂಜರ್‌ ಎಲೆಕ್ಟ್ರಿಕ್‌ ಮೊಬಿಲಿಟಿ ಲಿಮಿಟೆಡ್‌(ಟಿಪಿಇಎಂಎಲ್‌) ಮತ್ತು ಫೋರ್ಡ್‌ ಇಂಡಿಯಾ ಪ್ರೈ.ಲಿ. “ಸ್ಥಾವರ ವರ್ಗಾವಣೆ ಒಪ್ಪಂದ’ಕ್ಕೆ ಸಹಿ ಹಾಕಿವೆ.

ಈ ಒಪ್ಪಂದದಂತೆ ಫೋರ್ಡ್‌ನ ಸ್ಥಾವರಕ್ಕೆ ಸಂಬಂಧಿಸಿದ ಇಡೀ ಜಮೀನು ಮತ್ತು ಕಟ್ಟಡಗಳು, ವಾಹನ ತಯಾರಿಕಾ ಘಟಕ ಮತ್ತು ಒಳಗಿರುವ ಯಂತ್ರೋಪಕರಣಗಳು ಟಾಟಾ ತೆಕ್ಕೆಗೆ ಬಂದಿವೆ.

ಇದನ್ನೂ ಓದಿ:ಟ್ವಿಟರ್‌ ಮನಸ್ಸು ಮಾಡಿದರೆ ಈಗಲೂ ಖರೀದಿಸಲು ಸಿದ್ಧ: ಎಲಾನ್‌ ಮಸ್ಕ್

ಈ ಖರೀದಿ ಪ್ರಕ್ರಿಯೆಯಿಂದ ಟಾಟಾ ಕಂಪನಿಗೆ ಹೆಚ್ಚುವರಿ 3 ಲಕ್ಷ ವಾಹನ ತಯಾರಿಕೆಗೆ ಅನುಕೂಲವಾಗಲಿದೆ.