ಏರ್‌ಪೋರ್ಟ್‌ನಲ್ಲಿ ಪ್ರಯಾಣಿಕನಿಗೆ ಇಂಡಿಗೋ ಸಿಬಂದಿಯಿಂದ ಥಳಿತ 

ಹೊಸದಿಲ್ಲಿ: ಪ್ರಯಾಣಿಕನೊಬ್ಬನನ್ನು ಕ್ಷುಲ್ಲಕ ಕಾರಣಕ್ಕೆ ಇಂಡಿಗೋ ಸಿಬಂದಿಗಳು ನೆಲಕ್ಕೆ ಬೀಳಿಸಿ, ಕತ್ತಿನ ಪಟ್ಟಿ ಹಿಡಿದು ಥಳಿಸಿದ ಘಟನೆ ನಡೆದಿದೆ. ಈ ವಿಡಿಯೋ  ಇದೀಗ ವೈರಲ್‌ ಆಗಿದೆ. 

Advertisement

#WATCH: IndiGo staff manhandle a passenger at Delhi’s Indira Gandhi International Airport (Note: Strong language) pic.twitter.com/v2ola0YzqC

— ANI (@ANI) November 7, 2017

ಪ್ರಯಾಣಿಕ ಮತ್ತು ಸಿಬಂದಿಯ ನಡುವಿನ ವಾಗ್ವಾದ ವಿಕೋಪಕ್ಕೆ ತಿರುಗಿ  ಅವಾಚ್ಯ ಶಬ್ಧಗಳ ಬಳಕೆಯಾಗಿ  ಹೊಡೆದಾಡುವ ಮಟ್ಟಕ್ಕೆ ತಿರುಗಿದೆ. 

ವಿಮಾನದಿಂದಿಳಿದ ಹಿರಿಯ ವಯಸ್ಸಿನ ಪ್ರಯಾಣಿಕ ಬಸ್‌ ಹತ್ತುವಾಗ ತಡೆದಿದ್ದು, ಈ ವೇಳೆ ಹೊಡೆದಾಟ ನಡೆದಿದೆ. ಜಗಳವನ್ನು ಇತರ ಸಿಬಂದಿಗಳು ಬಿಡಿಸಿದ್ದಾರೆ. 

ಅಕ್ಟೋಬರ್‌ 15 ರಂದು ಘಟನೆ ನಡೆದಿದ್ದು ಈ ಬಗ್ಗೆ ನಾಗರಿಕ ವಿಮಾನಯಾನ ಇಲಾಖೆ ಸ್ಪಷ್ಟನೆ ಕೇಳಿದ್ದು , ಇಂಡಿಗೋ ಕ್ಷಮೆ ಯಾಚಿಸಿದೆ. 

ವಿಡಿಯೋ ಚಿತ್ರೀಕರಿಸಿದ ಸಿಬಂದಿಯನ್ನೇ ಇಂಡಿಗೋ ಅಮಾನತು ಮಾಡಿದ್ದು, ದುರ್ವರ್ತನೆ ತೋರಿದ ಸಿಬಂದಿಯ ವಿರುದ್ಧ ಯಾವುದೇ ಕ್ರಮ ಕೈಗೊಂಡಿಲ್ಲ.