ಯಹೂದಿ ಕೈದಿಗಳ ಹತ್ಯೆಗೆ ನೆರವು: 93ರ ವೃದ್ಧನೇ ಆರೋಪಿ!

ಬರ್ಲಿನ್‌: ಎರಡನೇ ವಿಶ್ವಮಹಾಯುದ್ಧದ ಸಮಯದಲ್ಲಿ ಜರ್ಮನಿಯಲ್ಲಿ 5,232 ಯಹೂದಿ ಕೈದಿಗಳ ಹತ್ಯೆಗೆ ನೆರವು ನೀಡಿರುವ ಪ್ರಕರಣದಲ್ಲಿ ನಾಜಿ ಕ್ಯಾಂಪ್‌ನ 93 ವರ್ಷದ ಕಾವಲುಗಾರನನ್ನು (ಗಾರ್ಡ್‌) ಅಪರಾಧಿ ಎಂದು ನ್ಯಾಯಾಲಯ ಪರಿಗಣಿಸಿದ್ದು, 2 ವರ್ಷ ಅಮಾನತು ಶಿಕ್ಷೆ ವಿಧಿಸಿದೆ.

1944-45ರ ಅವಧಿಯಲ್ಲಿ ನಾಜಿ ಸೆರೆ ಶಿಬಿರದಲ್ಲಿ 5 ಸಾವಿರಕ್ಕೂ ಅಧಿಕ ಮಂದಿಯನ್ನು ಹತ್ಯೆ ಮಾಡಲಾಗಿತ್ತು.

ಈ ಹತ್ಯೆಗೆ ಸಹಾಯ ನೀಡಿರುವ ಬ್ರುನೋ ಡಿ. ತಪ್ಪಿತಸ್ಥರಾಗಿದ್ದು, ಇವರಿಗೆ ಇದೀಗ 93 ವರ್ಷ ವಯಸ್ಸು ಆಗಿರುವ ಕಾರಣ 2 ವರ್ಷ ಅಮಾನತು ಶಿಕ್ಷೆ ನೀಡಲಾಗಿದೆ ಎಂದು ಜರ್ಮನಿ ಕೋರ್ಟ್‌ ತಿಳಿಸಿದೆ.

ಘಟನೆ ನಡೆದ ವೇಳೆ ಬ್ರುನೋ 17 ವರ್ಷದ ಯುವಕನಾಗಿದ್ದನು. 2ನೇ ವಿಶ್ವ ಮಹಾಯುದ್ಧದ ಸಮಯದಲ್ಲಿ ಜರ್ಮನಿಯಲ್ಲಿ ಯಹೂದಿಗಳು ಸೇರಿದಂತೆ 65 ಸಾವಿರ ಮಂದಿಯನ್ನು ಕೊಲೆ ಮಾಡಲಾಗಿತ್ತು.