ನವಾಜ್‌ ಪತ್ನಿ ಸ್ಥಿತಿ ಗಂಭೀರ

ಲಂಡನ್‌/ಇಸ್ಲಾಮಾಬಾದ್‌: ಕ್ಯಾನ್ಸರ್‌ ನಿಂದ ಲಂಡನ್‌ ನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಪಾಕಿಸ್ಥಾನದ ಮಾಜಿ ಪ್ರಧಾನಿ ನವಾಜ್‌ ಷರೀಫ್ ಪತ್ನಿ ಕುಲ್ಸೂಮ್‌ ನವಾಜ್‌ (68) ಅವರಿಗೆ ಭಾರೀ ಪ್ರಮಾಣದಲ್ಲಿ ಹೃದಯಾಘಾತವಾಗಿದೆ. ಹೀಗಾಗಿ ಅವರ ಸ್ಥಿತಿ ಗಂಭೀರವಾಗಿದ್ದು, ವೆಂಟಿಲೇಟರ್‌ ನಲ್ಲಿ ಇರಿಸಲಾಗಿದೆ. ಕಳೆದ ರಾತ್ರಿ ಈ ಬೆಳವಣಿಗೆ ಉಂಟಾಗಿದೆ ಎಂದು ನವಾಜ್‌ ಪುತ್ರಿ ಮರ್ಯಾಮ್‌ ಟ್ವೀಟ್‌ ಮಾಡಿದ್ದಾರೆ. ಎಪ್ರಿಲ್‌ ನಲ್ಲಿ ಬಿಡುಗಡೆ ಮಾಡಲಾಗಿದ್ದ ಮೆಡಿಕಲ್‌ ಬುಲೆಟಿನ್‌ ಪ್ರಕಾರ ಗಂಟಲು ಕ್ಯಾನ್ಸರ್‌ ದೇಹದ ಇತರ ಭಾಗಗಳಿಗೂ ಹರಡಲು ಆರಂಭವಾಗಿತ್ತು.