ಮೈ-ಟೆಕ್‌: ಪ್ರಧಾನಮಂತ್ರಿ ಕೌಶಲ್ಯ  ವಿಕಾಸ ಯೋಜನೆ

ಉಡುಪಿ: ಕೇಂದ್ರ ಸರಕಾರದ ಮಹಾತ್ವಕಾಂಕ್ಷೆ ಯೋಜನೆಯಾದ ರಾಷ್ಟ್ರೀಯ ಕೌಶಲ್ಯಾಭಿವೃದ್ಧಿ  ತರಬೇತಿಗಳಲ್ಲಿ ವಿದ್ಯಾವಂತ ಯುವ ಜನಾಂಗವು ಭಾಗವಹಿಸಿ ತಮ್ಮ ಕೌಶಲ್ಯವನ್ನು ಹೆಚ್ಚಿಸುವುದರ ಜತೆಗೆ ನಿರುದ್ಯೋಗಿ ಸಮಸ್ಯೆಯನ್ನು ನಿವಾರಿಸಬಹುದು. ಇದರ ಬಗ್ಗೆ ಅನುಭವಿ ತರಬೇತುದಾರರಿಂದ ಪ್ರಾಯೋಗಿಕ ತರಬೇತಿಯನ್ನು ಮೈಟೆಕ್‌ ಸಂಸ್ಥೆಯಲ್ಲಿ ನೀಡಲಾಗುತ್ತಿದ್ದು ಇದರ ಪ್ರಯೋಜನ ಪ್ರತಿಯೊಬ್ಬರು ಪಡೆದುಕೊಳ್ಳಿ ಎಂದು ಮೈ-ಟೆಕ್‌ ಐಟಿಐ ಕಾಲೇಜಿನ ಸಂಚಾಲಕ ಉದಯ ಆಚಾರ್ಯ ಹೇಳಿದರು.

ಅವರು ಜು.12ರಂದು ಉಡುಪಿ ಕಿನ್ನಿಮುಲ್ಕಿಯಲ್ಲಿರುವ ಮೈ-ಟೆಕ್‌ ಐಟಿಐ ಕಾಲೇಜಿನಲ್ಲಿ  ಕೇಂದ್ರ ಸರಕಾರದ ಮಹಾತ್ವಕಾಂಕ್ಷೆ ಯೋಜನೆಯಾದ ರಾಷ್ಟ್ರೀಯ ಕೌಶಲ್ಯಾಭಿವೃದ್ಧಿ ಇದರ ಪ್ರಧಾನ ಮಂತ್ರಿ ಕೌಶಲ್ಯ ವಿಕಾಸ ಯೋಜನೆಯ ಅಡಿಯಲ್ಲಿ ಏಮ್ಸ್‌ ಮೈಸೂರು ಇದರ ಜಂಟೀ ಆಶ್ರಯದಲ್ಲಿ ನಡೆದ ತರಬೇತಿ ಕಾರ್ಯಕ್ರಮದ ಸಮರೋಪ ಸಮಾರಂಭದಲ್ಲಿ ವಿದ್ಯಾರ್ಥಿಗಳಿಗೆ ಕಿಟ್‌ ವಿತರಿಸಿ ಮಾತನಾಡಿದರು.

ಈ ಯೋಜನೆಯಲ್ಲಿ ರೀಟೆ„ಲ್‌ ಅಸೋಸಿಯೇಟ್ಸ್‌ ಕೋರ್ಸ್‌ನಲ್ಲಿ 400 ಗಂಟೆಗಳ ತರಬೇತಿಯನ್ನು ನಡೆಸಲಾಗಿದ್ದು, ಉಡುಪಿ ಜಿಲ್ಲೆಯ ಸುಮಾರು 48  ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ನುರಿತ ಅನುಭವಿ ಶಿಕ್ಷಕ ವರ್ಗದಿಂದ ತರಬೇತಿಯನ್ನು ನೀಡಲಾಗಿದ್ದು  ಸ್ಕಿಲ್‌ ಇಂಡಿಯಾ ಇದರಿಂದ ತರಬೇತಿಯನ್ನು ಪಡೆದ ವಿದ್ಯಾರ್ಥಿಗಳಿಗೆ ಉಚಿತ ಪುಸ್ತಕ, ಬ್ಯಾಗ್‌ ಹಾಗೂ ಸಮವಸ್ತ್ರವನ್ನು ವಿತರಿಸಲಾಯಿತು. ಈ ಸಂದರ್ಭದಲ್ಲಿ ತರಬೇತಿಯ ಸಂಯೋಜಕ  ನಿಜಾಮುದ್ದೀನ್‌, ಶಿಕ್ಷಕರಾದ ಅನಿತಾ ಶ್ರೀಯಾನ್‌, ಶ್ರೀಲತಾ ಮೊದಲಾದವರು ಉಪಸ್ಥಿತರಿದ್ದರು.