ಬಾಲ್ಯದಲ್ಲಿ ನಾನೂ ಸಂಘಿಯಾಗಿದ್ದೆ ; ನಟ ಮಿಲಿಂದ್ ಸೋಮನ್ ಟ್ವೀಟ್ ವೈರಲ್

ಹೊಸದಿಲ್ಲಿ: ಬಾಲಿವುಡ್‌ ನಟ ಮಿಲಿಂದ್‌ ಸೋಮನ್‌ ಬಾಲ್ಯದಲ್ಲಿ ಆರ್‌ಎಸ್‌ಎಸ್‌ ಶಾಖೆಗೆ ತೆರಳುತ್ತಿದ್ದುದಾಗಿ ಹೇಳಿಕೊಂಡಿದ್ದಾರೆ. ಈ ಬಗ್ಗೆ ಅವರು ಟ್ವೀಟ್‌ ಮಾಡಿದ್ದು, ಅದು ಟ್ರೆಂಡಿಂಗ್‌ ಆಗಿದೆ.

‘ನಾನು ಚಿಕ್ಕವನಿದ್ದಾಗ ಶಿವಾಜಿ ಪಾರ್ಕ್‌ನ ಆರ್‌ಎಸ್‌ಎಸ್‌ ಶಾಖೆಗೆ ಹೋಗುತ್ತಿದ್ದೆ. ನನ್ನ ತಂದೆ ಕೂಡ ಆರ್‌ಎಸ್‌ಎಸ್‌ ಸಿದ್ಧಾಂತಗಳಲ್ಲಿ ನಂಬಿಕೆ ಇಟ್ಟಿದ್ದವರು. ಆರ್‌ಎಸ್‌ಎಸ್‌ ಕುರಿತು ಪತ್ರಿಕೆಗಳು ಸುಳ್ಳು ಪ್ರಚಾರ ನೀಡುವಾಗ ನನಗೆ ಕೋಪ ಬರುತ್ತದೆ.

ನಾನು ನೋಡಿರುವ ಶಾಖೆಯೇ ಬೇರೆ, ನಾವು ಅಲ್ಲಿ ವ್ಯಾಯಾಮ ಮಾಡುತ್ತಿದ್ದೆವು. ಯೋಗ ಮಾಡುತ್ತಿದ್ದೆವು, ಹಾಡು, ಸಂಸ್ಕೃತ ಶ್ಲೋಕ ಕಲಿಯುತ್ತಿದ್ದೆವು. ಒಬ್ಬ ಉತ್ತಮ ನಾಗರಿಕನಾಗುವುದಕ್ಕೆ ಬೇಕಾದ ಎಲ್ಲಾ ಪಾಠಗಳೂ ಅಲ್ಲಿ ದೊರೆತವು’ ಎಂದು ಬರೆದಿದ್ದಾರೆ.