ಮುಸ್ಲಿಂ ಕುಟುಂಬದಿಂದ ಕೋಟ ಅಮೃತೇಶ್ವರಿಗೆ ತುಲಾಭಾರ ಸೇವೆ

ಕೋಟ: ಮುಸ್ಲಿಂ ಮಹಿಳೆಯೋರ್ವರು ಮಗುವಿನೊಂದಿಗೆ ಕೋಟ ಅಮೃತೇಶ್ವರೀ ದೇವಸ್ಥಾನದಲ್ಲಿ ಗುರುವಾರ ತುಲಾಭಾರ ಸೇವೆ ಸಲ್ಲಿಸಿದ್ದು ಈ ಕುರಿತಾದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಮೂಲತಃ ಕೋಟ ಪರಿಸರದವರಾದ ಇವರು ಉಡುಪಿಯಲ್ಲಿ ವಾಸವಾಗಿದ್ದು ಕುಟುಂಬದ ಹಿರಿಯರು ದೇವಿಗೆ ಹರಕೆ ಹೊತ್ತಿದ್ದು ಅದರಂತೆ ಸೇವೆ ಸಲ್ಲಿಸಿದ್ದಾರೆ ಎನ್ನಲಾಗಿದೆ.

ಸ್ಥಳೀಯರೊಬ್ಬರು ಈ ತುಲಾಭಾರದ ವೀಡಿಯೋವನ್ನು ಜಾಲತಾಣದಲ್ಲಿ ಹರಿಯಬಿಟ್ಟಿದ್ದು ಕುಟುಂಬದ ಧಾರ್ಮಿಕ ಸೌಹಾರ್ದತೆಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಜಾತಿ ಭೇದವಿಲ್ಲದೆ ಇಲ್ಲಿ ಹರಿಕೆ ಸಲ್ಲಿಸಲಾಗುತ್ತಿದೆ. ಹಿಂದೊಮ್ಮೆ ಅನ್ಯಧರ್ಮಿಯರೋರ್ವರು ಯಕ್ಷಗಾನ ಸೇವೆಯನ್ನು ಕೂಡ ಸಲ್ಲಿಸಿದ್ದರು. ಹೀಗಾಗಿ ಇದರಲ್ಲಿ ವಿಶೇಷತೆ ಇಲ್ಲ ಎಂದು ದೇಗುಲದವರು ಹೇಳಿದ್ದಾರೆ.

ಇದನ್ನೂ ಓದಿ :ಕಾಫಿನಾಡಿನಲ್ಲಿ ಸರಳವಾಗಿ ಹುಟ್ಟುಹಬ್ಬ ಆಚರಿಸಿಕೊಂಡ ಪವರ್ ಸ್ಟಾರ್