Advertisement
ಕನ್ನಡ ವಿಭಾಗ ಮುಂಬಯಿ ವಿವಿ ಇತ್ತೀಚೆಗೆ ಆಯೋಜಿಸಿದ್ದ ಕೃತಿ ಬಿಡುಗಡೆ, ಕನ್ನಡ ಡಿಪ್ಲೊಮಾ, ಸರ್ಟಿಫಿಕೇಟ್‌ ಕೋರ್ಸಿನ ಉದ್ಘಾಟನ ಕಾರ್ಯ ಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡು, ಅಪರ್ಣಾ ನಾಯಾYಂವ್‌ಕರ್‌ ಅನುವಾದಿಸಿದ ಘಾಚರ್‌ ಘೋಚರ್‌ ಕೃತಿಯನ್ನು ಬಿಡುಗಡೆಗೆಳಿಸಿ ಮಾತನಾಡಿ, ಕನ್ನಡ ವಿಭಾಗ ಸಾಂಸ್ಕೃತಿಕ ಕೇಂದ್ರ ವಾಗಿ ಪ್ರಸಿದ್ಧಿಯನ್ನು ಪಡೆಯುತ್ತಾ ಬಂದಿದೆ. ಕನ್ನಡ ವಿಮರ್ಶೆಗೆ ದೊಡ್ಡ ಪರಂಪರೆ ಇದೆ. ವಿಮರ್ಶೆಯ ಕುರಿತು ಅಧ್ಯಯನ ಮಾಡಿ ಎಂ.ಫಿಲ್‌. ಪದವಿ ಪಡೆದ ರೂಪಾ ಸಂಗೊಳಿ ಅವರು ಒಳ್ಳೆಯ ಕೆಲಸ ಮಾಡಿದ್ದಾರೆ ಎಂದು ಅವರನ್ನು ಅಭಿನಂದಿಸಿದರು.
Related Articles
Advertisement
ಇತ್ತೀಚೆಗೆ ಬಿಡುಗಡೆಯಾದ ಗೀತಾ ಮಂಜುನಾಥ್‌ ಅವರ ಕಲಾಸೌರಭ ಸರೋಜಾ ಶ್ರೀನಾಥ್‌ ಕೃತಿಯ ಕುರಿತಾಗಿ ಡಾ| ಕೆ. ಗೋವಿಂದ ಭಟ್‌ ಮಾತನಾಡಿದರು. ಕಲಾವಿದ ಜಯ ಸಾಲ್ಯಾನ್‌ ಅವರನ್ನು ಗಣ್ಯರ ಸಮ್ಮುಖದಲ್ಲಿ ಗೌರವಿಸಲಾಯಿತು. ಅಪರ್ಣಾ ನಾಯ್ಗಾಂವ್ಕರ್‌ ಅವರ ಬಂಧುಗಳಾದ ಮುಂಬಯಿ ವಿಶ್ವವಿದ್ಯಾಲಯ ಫಿಲಾಸಫಿ ವಿಭಾಗದ ಡಾ| ಪ್ರಿಯಾ ಎಂ. ವೈದ್ಯ, ಮೃನ್ಮು ರಾನಡೆ, ಗುಣ್‌ ನಾಯ್ಗಾಂವ್ಕರ್‌, ಆದಿತ್ಯ ನಾಯ್ಗಾಂವ್ಕರ್‌, ಕನ್ನಡ ವಿಭಾಗದ ವಿದ್ಯಾರ್ಥಿಗಳಾದ ಸೂರಪ್ಪ ಕುಂದರ್‌, ಲಕ್ಷ್ಮೀ ಪೂಜಾರಿ, ದಿನಕರ್‌ ಎನ್‌. ಚಂದನ್‌, ಗೀತಾ ಮಂಜುನಾಥ್‌, ಶಿವರಾಜ್‌ ಎಂ. ಜಿ., ಪಾರ್ವತಿ ಪೂಜಾರಿ, ಜಮೀಲಾ ವಿಪ್ಪರಗಿ, ಪೇತ್ರಿ ವಿಶ್ವನಾಥ ಶೆಟ್ಟಿ, ಜೀವಿಕಾ ಶೆಟ್ಟಿ, ರತ್ನಾಕರ ರಾವ್‌, ಸಂತೋಷ್‌ ಪೆಡ್ಣೇಕರ್‌, ಹೇಮಾ ಅಮೀನ್‌, ಡಾ| ಪ್ರತಿಮಾ, ಗಿರಿಧರ್‌ ಮೊದಲಾದವರು ಉಪಸ್ಥಿತರಿದ್ದರು. ಸಂಶೋಧನ ಸಹಾಯಕರಾದ ಸುಶೀಲಾ ದೇವಾಡಿಗ ಅವರು ಸ್ವಾಗತ ಗೀತೆಯನ್ನು ಹಾಡಿದರು. ಸಂಶೋಧನ ಸಹಾಯಕರಾದ ವೈ. ವಿ. ಮಧುಸೂದನ್‌ ರಾವ್‌ ಅವರು ಕಾರ್ಯಕ್ರಮ ನಿರೂಪಿಸಿದರು. ಸಂಶೋಧನ ಸಹಾಯಕರಾದ ಕುಮುದಾ ಆಳ್ವ ವಂದಿಸಿದರು.
ಕನ್ನಡದ ಸಾಹಿತಿ ವಿವೇಕ ಶ್ಯಾನುಭಾಗ್‌ ಅವರ ಕಾದಂಬರಿಯನ್ನು ಅಪರ್ಣಾ ನಾಯಾYಂವ್‌ಕರ್‌ ಅವರು ಮರಾಠಿಗೆ ಅನುವಾದ ಮಾಡಿ ನಾವೆಲ್ಲ ಸಂಭ್ರಮ ಪಡುವಂತೆ ಮಾಡಿದ್ದಾರೆ. ಮೀನಾ ವಾಂಗೀಕರ್‌, ಉಮಾ ಕುಲಕರ್ಣಿ ಮೊದಲಾದವರ ಸಾಲಿಗೆ ಈಗ ಅಪರ್ಣಾ ನಾಯಾYಂವ್‌ಕರ್‌ ಸಹ ಸೇರಿದ್ದಾರೆ. ಮರಾಠಿಯಲ್ಲಿ ನೂರಾರು ಕೃತಿಗಳು ಕನ್ನಡಕ್ಕೆ ಬಂದಿವೆ. ಆದರೆ ಕೆಲವೇ ಕೆಲವು ಕನ್ನಡ ಕೃತಿಗಳು ಮರಾಠಿಗೆ ಹೋಗಿವೆ. ಹೀಗಿರುವಾಗ ಕನ್ನಡ ವಿಭಾಗದ ಮೂಲಕ ಕನ್ನಡ ಕಲಿತು ಕನ್ನಡದ ಒಳ್ಳೆಯ ಕಾದಂಬರಿಯೊಂದನ್ನು ಮರಾಠಿಗೆ ಅನುವಾದಿಸಿ ನಾವೆಲ್ಲ ಪುಳಕಗೊಳ್ಳುವಂತೆ ಅಪರ್ಣಾ ಅವರು ಮಾಡಿದ್ದಾರೆ. ಇದು ಕನ್ನಡ ಮರಾಠಿ ಸಾಮರಸ್ಯಕ್ಕೆ ಸಾಕ್ಷಿಯಾಗಿದೆ .-ಡಾ| ಜಿ. ಎನ್‌. ಉಪಾಧ್ಯ, ಪ್ರಾಧ್ಯಾಪಕ, ಮುಖ್ಯಸ್ಥರು : ಕನ್ನಡ ವಿಭಾಗ ಮುಂಬಯಿ ವಿವಿ