ಡಾ|ಬಿ.ಆರ್‌. ಅಂಬೇಡ್ಕರ್‌ ಪ್ರತಿಮೆ ಎತ್ತರಕ್ಕೆ ಸಮ್ಮತಿ

ಮುಂಬಯಿ: ವಾಣಿಜ್ಯ ನಗರಿಯ ಹಿಂದೂ ಮಿಲ್ಸ್‌ ಆವರಣದಲ್ಲಿರುವ ಸಂವಿಧಾನ ಶಿಲ್ಪಿ ಡಾ| ಬಿ.ಆರ್‌. ಅಂಬೇಡ್ಕರ್‌ ಪ್ರತಿಮೆಯನ್ನು ಈಗಿರುವ ಎತ್ತರಕ್ಕಿಂತ 100 ಅಡಿಗಳವರೆಗೆ ಎತ್ತರಿಸುವ ಪ್ರಸ್ತಾವನೆಗೆ ಮಹಾರಾಷ್ಟ್ರ ಸಚಿವ ಸಂಪುಟ ಬುಧವಾರ ಒಪ್ಪಿಗೆ ನೀಡಿದೆ.

ಸದ್ಯಕ್ಕೆ ಪ್ರತಿಮೆಯ ಎತ್ತರ 350 ಅಡಿಗಳಷ್ಟಿದೆ. ಅದನ್ನು 450 ಅಡಿಗಳಿಗೆ ಎತ್ತರಿಸಲಾಗುತ್ತದೆ. ಪ್ರತಿಮೆಯ ತಳದಲ್ಲಿ ರಂಗಮಂಟಪ, ಗ್ರಂಥಾಲಯ ಹಾಗೂ ಸಂಶೋಧನ ಕೇಂದ್ರಗಳು ಮೂಡಿಬರಲಿವೆ. ಮುಂಬಯಿ ಮೆಟ್ರೋಪಾಲಿಟನ್‌ ಪ್ರಾಂತೀಯ ಅಭಿವೃದ್ಧಿ ಆಯೋಗ ಯೋಜನೆ ಅನುಷ್ಠಾನಗೊಳಿಸಲಿದೆ.