ಬೆಂಗಳೂರು: ನವ ನಿರ್ದೇಶಕ ರಾಜ್ ಪಂಡಿತ್ ನಿರ್ದೇಶನದ ‘ಮೌನಂ’ ಚಿತ್ರದಲ್ಲಿ ನಟಿ ಮಯೂರಿ, ಬಾಲಾಜಿ ಶರ್ಮಾ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ಪೋಸ್ಟರ್ ಹಾಗೂ ಚಿತ್ರದ ಟ್ರೈಲರ್ ಬಹು ನಿರೀಕ್ಷೆಯನ್ನು ಚಿತ್ರದ ಮೇಲೆ ಹುಟ್ಟುಹಾಕಿದೆ.
ಮೌನಂ’ ಚಿತ್ರ ಸೈಕಲಾಜಿಕಲ್ ಸಬ್ಜೆಕ್ಟ್ ಒಳಗೊಂಡಿದ್ದು, ವಿಭಿನ್ನ ಪ್ರಯೋಗವನ್ನು ಚಿತ್ರತಂಡ ಮಾಡಿದೆ. ಚಿತ್ರದ ಬಗ್ಗೆ ಕೊಂಚವೂ ಸುಳಿವು ಬಿಟ್ಟುಕೊಡದ ‘ಮೌನಂ’ ಚಿತ್ರತಂಡ ಟೀಸರ್, ಟ್ರೇಲರ್ ನಲ್ಲೂ ಕುತೂಹಲವನ್ನು ಕಾಯ್ದುಕೊಂಡಿದೆ.
ಫೆಬ್ರವರಿ 21ಕ್ಕೆ ಚಿತ್ರ ಬಿಡುಗಡೆಗೆ ಸಿದ್ದವಾಗಿದ್ದು, ಹಿರಿಯ ನಟ ಅವಿನಾಶ್ ಚಿತ್ರದಲ್ಲಿ ಆರು ಶೇಡ್ ಗಳಲ್ಲಿ ಬಣ್ಣಹಚ್ಚಿದ್ದಾರೆ. ನಟಿ ಮಯೂರಿ ಎರಡು ಶೇಡ್ ನಲ್ಲಿ ಬಣ್ಣಹಚ್ಚಿದ್ದು, ರಗಡ್ ಹಾಗೂ ಹೋಂಮ್ಲಿ ಪಾತ್ರದಲ್ಲಿ ಮಿಂಚಿದ್ದಾರೆ.
ಅವಿನಾಶ್ ಹಾಗೂ ಮಯೂರಿ ಪಾತ್ರಗಳು ಸಖತ್ ಕ್ಯೂರಿಯಾಟಿಸಿ ಬಿಲ್ಡ್ ಮಾಡಿವೆ. ಮಯೂರಿ ಜೋಡಿಯಾಗಿ ಬಾಲಾಜಿ ಶರ್ಮಾ ಚಿತ್ರದಲ್ಲಿ ನಟಿಸಿದ್ದಾರೆ. ಕಥೆಯೇ ಚಿತ್ರದ ಜೀವಾಳವಾಗಿದ್ದು, ಕಥೆ, ಚಿತ್ರಕತೆ, ಸಂಭಾಷಣೆ ಜವಾಬ್ದಾರಿಯನ್ನು ನಿರ್ದೇಶಕ ರಾಜ್ ಪಂಡಿತ್ ಹೊತ್ತುಕೊಂಡಿದ್ದಾರೆ. ಶ್ರೀಹರಿ ಚಿತ್ರಕ್ಕೆ ಬಂಡವಾಳ ಹಾಕಿದ್ದು, ರಿತೇಶ್, ನಯನ, ಕೆಂಪೇಗೌಡ, ಹನುಮಂತೇಗೌಡ, ಚಿತ್ರದ ತಾರಾಬಳಗದಲ್ಲಿದ್ದಾರೆ.
