ಮೂಡ್ಲಕಟ್ಟೆ: ಶಿಕ್ಷಕರಿಂದ ಶಾಲಾ ಕೈ ತೋಟ

 ಬಸ್ರೂರು: ಮೂಡ್ಲಕಟ್ಟೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಕೆಲಸ ನಿರ್ವಹಿಸುತ್ತಿರುವ ಮುಖ್ಯೋಪಾಧ್ಯಾಯ ಐವನ್‌ ಸಂತೋಷ್‌ ಸಾಲಿನ್ಸ್‌ ಸೇರಿದಂತೆ ಇರುವ 8 ಶಿಕ್ಷಕ -ಶಿಕ್ಷಕಿಯರು ಮಕ್ಕಳ ಅನುಪಸ್ಥಿತಿಯ ಮಧ್ಯೆಯೂ ಶಾಲಾ ಕೈತೋಟವನ್ನು ನಿರ್ಮಿಸಿದ್ದಾರೆ.

ಸೌತೆ, ಮೂಲಂಗಿ, ಬದನೆ ಮತ್ತಿತರ ತರಕಾರಿ ಬೆಳೆಗೆ ಹಾರೆ, ಪಿಕಾಸು ಹಿಡಿದು ತಯಾರಿ ನಡೆಸಿದ್ದಾರೆ.

ಇಲ್ಲಿ ಬೆಳೆದ ತರಕಾರಿ ಮಕ್ಕಳ ಮಧ್ಯಾಹ್ನದ ಬಿಸಿಯೂಟಕ್ಕೆ ಉಪಯೋಗಿಸಲಾಗುವುದು ಎಂದು ಮುಖ್ಯ ಶಿಕ್ಷಕರು ತಿಳಿಸಿದ್ದಾರೆ.