ಮೂಡಬಿದಿರೆಗೆ ಪ್ರಭಾವನಾ ರಥ

ಮೂಡಬಿದಿರೆ: ಶ್ರವಣಬೆಳಗೊಳದಲ್ಲಿ ನಡೆಯಲಿರುವ ಮಹಾಮಸ್ತಕಾಭಿಷೇಕಕ್ಕೆ ಸಂಬಂಧಿಸಿ ಹೊರಟಿರುವ ‘ಪ್ರಭಾವನಾ ರಥ’ ವನ್ನು ಮೂಡಬಿದಿರೆಯಲ್ಲಿ
ಶ್ರೀ ಜೈನ ಮಠಾಧೀಶ ಸ್ವಸ್ತಿ ಶ್ರೀ ಭಟ್ಟಾರಕ ಚಾರುಕೀರ್ತಿ ಪಂಡಿತಾಚಾರ್ಯವರ್ಯ ಸ್ವಾಮೀಜಿ ಅವರು ಸಮಾಜದ ಗಣ್ಯರು, ಶ್ರಾವಕ, ಶ್ರಾವಕಿಯರೊಂದಿಗೆ ಡಿ. 21ರಂದು ಮಹಾವೀರ ಭವನದಲ್ಲಿ ಸ್ವಾಗತಿಸಿದರು.

ಧರಣೇಂದ್ರ ಶಾಸ್ತ್ರೀಜಿ ಪ್ರಸ್ತಾವನೆಗೈದರು. ಶ್ರೀ ಜೈನ ಮಠದ ವತಿಯಿಂದ ಸ್ವಾಮೀಜಿಯವರು ರೂ. 35,000 ನೀಡಿ ಮಸ್ತಕಾಭಿಷೇಕದ ಕಲಶವನ್ನು ಸ್ವೀಕರಿಸಿದರು. ಇದೇ ವೇಳೆ ಶಾಸಕ ಕೆ. ಅಭಯಚಂದ್ರ ಅವರು ರೂ. 35,000 ನೀಡಿ ಕಲಶ ಸ್ವೀಕರಿಸಿದರು. ಮುಂಬೈಯ ಸುನೀಲ್‌ ಜೋಶಿ, ಶಿರ್ತಾಡಿ ಸಂಪತ್‌ ಸಾಮ್ರಾಜ್ಯ, ಧನಕೀರ್ತಿ ಬಲಿಪ, ಬಸದಿಗಳ ಮೊಕ್ತೇಸರರಾದ ಪಟ್ಣಶೆಟ್ಟಿ ಸುದೇಶ್‌ ಕುಮಾರ್‌, ದಿನೇಶ್‌ ಕುಮಾರ್‌ ಆನಡ್ಕ, ಶೈಲೇಂದ್ರ ಕುಮಾರ್‌, ಹರಿಶ್ಚಂದ್ರ ಇಂದ್ರ ಅಲ್ಲದೆ, ಮಹಾರಾಷ್ಟ್ರ, ರಾಜಸ್ತಾನ ಮೊದಲಾದ ರಾಜ್ಯಗಳ ಶ್ರಾವಕ-ಶ್ರಾವಿಕೆಯರು ಮೊದಲಾದವರು ಉಪಸ್ಥಿತರಿದ್ದರು.