ಮಾಂಟ್ರಾಡಿ: ಗಾಳಿ-ಮಳೆ; ಮನೆಗೆ ಹಾನಿ, ನಾಲ್ವರಿಗೆ ಗಾಯ

ಮೂಡಬಿದಿರೆ: ಮೂಡಬಿದಿರೆ ಪರಿಸರದಲ್ಲಿ ಉತ್ತಮ ಮಳೆಯಾಗಿದೆ. ಮಾಂಟ್ರಾಡಿ ಗ್ರಾಮ ಹಾಗೂ ಪರಿಸರದಲ್ಲಿ ಮಂಗಳವಾರ ಸಂಜೆ ಸುರಿದ ಭಾರೀ ಗಾಳಿಮಳೆಗೆ ಗ್ರಾಮವಾಸಿ, ನೆಲ್ಲಿಕಾರು ಗ್ರಾ.ಪಂ. ಸದಸ್ಯೆ ಸರಸ್ವತಿ ನಾಯ್ಕ  ಅವರ ಮನೆಯ ಮುಂಭಾಗದ ಮೇಲೆ ತೆಂಗಿನ ಮರ ಉರುಳಿ ಬಿದ್ದು ಸುಮಾರು  2 ಲಕ್ಷ ರೂ.  ಮೌಲ್ಯದ ಸೊತ್ತುಗಳ ನಷ್ಟವುಂಟಾಗಿದೆ.

ಸರಸ್ವತಿ ಅವರ ಮಗ ರವಿಚಂದ್ರ ನಾಯ್ಕ (38), ರವಿಚಂದ್ರ ಅವರ ಪತ್ನಿ ಸುನಂದಾ(36), ಮಗಳು ವೈಷ್ಣವಿ (6), ವಿಜೇಶ್‌ (4) ಗಾಯಗೊಂಡಿದ್ದು  ಹೊಸ್ಮಾರಿನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.