ಹಿಂದೂ ಧರ್ಮದಿಂದ ಅಖಂಡ ಭಾರತ ಕನಸು ನನಸು: ಭಾಗವತ್‌

ಹೈದರಾಬಾದ್‌: ಅಖಂಡ ಭಾರತದ ಅಗತ್ಯ ಈಗಲೂ ಇದೆ. ಅದರಿಂದ ನೆರೆಯ ಪಾಕಿಸ್ಥಾನದಂತಹ ದೇಶಗ­ಳಿಗೆ ಸಹಾಯವೇ ಆಗುತ್ತದೆ ಎಂದು ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಸರ­ಸಂಘಚಾಲಕ ಮೋಹನ್‌ ಭಾಗವತ್‌ ಹೇಳಿದ್ದಾರೆ.

ಅವರು ಸಂಸ್ಕೃತ ಪುಸ್ತಕ­ವೊಂದರ ಬಿಡುಗಡೆ ಕಾರ್ಯಕ್ರಮ­ದಲ್ಲಿ ಮಾತನಾಡಿದರು. ಅಖಂಡ ಭಾರತವನ್ನು ಹಿಂದೂ ಧರ್ಮದಿಂದ ಸಾಧಿಸಲು ಸಾಧ್ಯ. ಇದು ವಸಾಹತು­ಶಾಹಿ ಕಲ್ಪನೆಯಲ್ಲ. ಹಿಂದೂ ಧರ್ಮ ಜಗತ್ತೇ ಒಂದು ಕುಟುಂಬ ಎಂದು ಭಾವಿಸುತ್ತದೆ. ಬೇರ್ಪಟ್ಟ ಭಾಗಗಳು ಮತ್ತೆ ಭಾರತಕ್ಕೆ ಸೇರಿಕೊಳ್ಳುವುದರಿಂದ ಜನರಿಗೆ ಒಳಿತಾಗುತ್ತದೆ ಎಂದು ಭಾಗವತ್‌ ಹೇಳಿದ್ದಾರೆ.

“ನೆರೆಯ ಅಫ್ಘಾನಿಸ್ಥಾನ, ಪಾಕಿಸ್ಥಾನ­ದಂತಹ ದೇಶಗಳನ್ನು ನಾವು ಯಾವತ್ತೂ ಬೇರೆ ಎಂದು ನೋಡುವುದಿಲ್ಲ. ಅವರ ಆಚಾರವಿಚಾರ­ಗಳಿಂದಲೂ ನಮಗೆ ಸಮಸ್ಯೆಯಿಲ್ಲ. ಭಾರತ­ದಿಂದ ಬೇರ್ಪಟ್ಟ ಮೇಲೆ ಪಾಕಿಸ್ಥಾನ ಮತ್ತು ಅಫ್ಘಾನಿಸ್ಥಾನ ದೇಶಗಳು ಎಂದಾದರೂ ಸಂತೋಷ­ದಿಂದಿವೆಯಾ ಎಂದು ತಿಳಿದುಕೊಳ್ಳಲು ಬಯಸುತ್ತೇನೆ. ಆ ದೇಶಗಳು ಭಾರತದ ಶಕ್ತಿಯನ್ನು ಕಡಿದು ಕೊಂಡಿದ್ದರಿಂದಲೇ ಆ ಪ್ರಾಂತ್ಯಗಳಲ್ಲಿ ಅಶಾಂತಿ ಹುಟ್ಟಿದೆ ಎಂದು ಭಾಗವತ್‌ ಅಭಿಪ್ರಾಯಪಟ್ಟಿದ್ದಾರೆ. ಭಾರತ ವಿಭಜ ನೆಯಾಗುವ 6 ತಿಂಗಳ ಮುನ್ನ ಕೆಲವರು ಈ ಬಗ್ಗೆ ಗುಮಾನಿ ವ್ಯಕ್ತಪಡಿಸಿದ್ದರು. ಆಗ  ನೆಹರೂ, ಅದನ್ನು ಮುಟಾuಳರ ಕಲ್ಪನೆ ಎಂದಿದ್ದರು. ಹಾಗೆ ನೋಡಿದರೆ ಏನು ಬೇಕಾದರೂ ಸಂಭವಿಸಬಹುದು’ ಎಂದು ಅವರು ಹೇಳಿದರು.