ಅಫ್ಘಾನ್‌ನ ಮೊಹಮ್ಮದ್‌ ಶಾಜಾದ್‌ಗೆ 2 ಪಂದ್ಯ ನಿಷೇಧ

ಹರಾರೆ: ಅಫ್ಘಾನಿಸ್ಥಾನ ತಂಡದ ವಿಕೆಟ್‌ ಕೀಪರ್‌ ಮೊಹಮ್ಮದ್‌ ಶಾಜಾದ್‌ಗೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಮಂಡಳಿ (ಐಸಿಸಿ) ಎರಡು ಪಂದ್ಯಗಳ ನಿಷೇಧ ಹೇರಿದೆ. ಹೀಗಾಗಿ 2018ರ ವಿಶ್ವಕಪ್‌ ಅರ್ಹತಾ ಸುತ್ತಿನ 2 ಪಂದ್ಯಕ್ಕೆ ಶಾಜಾದ್‌ ಹೊರಗುಳಿಯಲಿದ್ದಾರೆ.

ಇತ್ತೀಚೆಗೆ ನಡೆದ ಜಿಂಬಾಬ್ವೆ ವಿರುದ್ಧದ ಪಂದ್ಯದ ವೇಳೆ ಶಾಜಾದ್‌ ಅಸಭ್ಯ ವರ್ತನೆ ತೋರಿದ್ದರು. ಇದಕ್ಕೂ ಮುನ್ನ ಯುಎಇ ವಿರುದ್ಧ ಪಂದ್ಯದ ವೇಳೆಯೂ ಅಶಿಸ್ತಿನಿಂದ ನಡೆದುಕೊಂಡಿದ್ದರು. ಹೀಗಾಗಿ ಐಸಿಸಿ ದಂಡದ ಜತೆಗೆ 2 ಪಂದ್ಯ ನಿಷೇಧ ಹೇರಿದೆ. ಇದರಿಂದ 2018ರ ವಿಶ್ವಕಪ್‌ನ ಅರ್ಹತಾ ಸುತ್ತಿನಲ್ಲಿ ಆಡಬೇಕಾಗಿದ್ದ ಹಾಂಕಾಂಗ್‌ ಮತ್ತು ನೇಪಾಲ ವಿರುದ್ಧದ ಪಂದ್ಯಕ್ಕೆ ಶಾಜಾದ್‌ ಸೇವೆ ಲಭಿಸದು.