ಮೋದಿಗೆ ಮೊದಲ ಬಾರಿಗೆ ಸಮ್ಮಿಶ್ರ ಸರಕಾರ‌ದ ಪರೀಕ್ಷೆ

ಮೋದಿಗೆ ಹಿಂದಿನ ಅವಧಿಯಲ್ಲಿ ಸಿಕ್ಕಿತ್ತು ಭಾರೀ ಬಹುಮತ; ಸ್ವತಂತ್ರವಾಗಿ ನಿರ್ಧಾರ ಕೈಗೊಳ್ಳಲು ಅಡ್ಡಿಯಾಗುವ ಆತಂಕ

ಹೊಸದಿಲ್ಲಿ: ಸತತ 3ನೇ ಬಾರಿಗೆ ಪ್ರಧಾನಿಯಾಗಿ ರವಿವಾರ ಅಧಿಕಾರ ಸ್ವೀಕರಿಸಲಿರುವ ನರೇಂದ್ರ ಮೋದಿ ಅವರು ಮೊದಲ ಬಾರಿಗೆ ಮೈತ್ರಿ ಸರಕಾರ‌ದಲ್ಲಿ ಆಡಳಿತ ನಡೆಸಲಿದ್ದಾರೆ. 2014, 2019ರಲ್ಲಿ ಬಹುಮತ ದೊಂದಿಗೆ ಗೆಲುವು ಸಾಧಿಸಿದ್ದ ನರೇಂದ್ರ ಮೋದಿ ಈ ಬಾರಿಯೂ ಅದೇ ರೀತಿ ಗೆಲುವು ಪಡೆಯುವ ನಿರೀಕ್ಷೆ ಹೊಂದಿದ್ದರು. ಆದರೆ ಜನಾ ದೇಶದಲ್ಲಿ ಸ್ವಲ್ಪ ಬದಲಾವಣೆಯಾಗಿದ್ದು, ಅಚ್ಚರಿ ಯೆಂಬಂತೆ ಬಿಜೆಪಿ ಬಹುಮತ ಗಳಿಸಲು ವಿಫ‌ಲವಾಗಿದೆ.

240 ಸ್ಥಾನಗಳಲ್ಲಿ ಬಿಜೆಪಿ ಗೆಲುವು ಪಡೆದರೆ ಇನ್ನು ಬಿಜೆಪಿ ನೇõತ್ವದ ಎನ್‌ಡಿಎ ಕೂಟವು 292 ಸ್ಥಾನಗಳನ್ನು ಗಳಿಸಿಕೊಂಡಿದ್ದು, ಇದೀಗ ಮೈತ್ರಿ ಸರಕಾರ‌ವೇ ಅಧಿಕಾರ ನಡೆಸಬೇಕಾದ ಪರಿಸ್ಥಿತಿ ಇದೆ. ಕಳೆದ 2 ಬಾರಿ ಪೂರ್ಣ ಬಹುಮತ ದಿಂದ ಸರಕಾರ‌ ರಚಿಸಿದ್ದ ಮೋದಿ, ಮೊದಲ ಬಾರಿಗೆ ಮೈತ್ರಿಪಕ್ಷಗಳ ನ್ನೊಳಗೊಂಡ ಸರಕಾರ‌ದ ನೇತೃತ್ವ ವಹಿ ಸಲಿದ್ದಾರೆ. ಈ ಸರಕಾರ‌ದಲ್ಲಿ ಸ್ವತಂತ್ರ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಮೋದಿಗೆ ಸವಾಲಿನ ಸ್ಥಿತಿಗಳು ಬರುವ ಸಾಧ್ಯತೆಗಳು ಇವೆ ಎಂದು ಹೇಳಲಾಗುತ್ತಿದೆ. ಮಿತ್ರ ಪಕ್ಷಗಳ ನಿರ್ಣಯಗಳಿಗೆ ಮನ್ನಣೆ ನೀಡಬೇಕಾದ ಅನಿವಾರ್ಯ ಸ್ಥಿತಿ ಉಂಟಾಗಬಹುದು.