ಬೆಂಗಳೂರಿಗನ ಫಾಲೋ ಮಾಡಿದ ಮೋದಿ!

ಬೆಂಗಳೂರು: ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಲಕ್ಷಗಟ್ಟಲೆ ಮಂದಿ ಟ್ವೀಟರ್‌ನಲ್ಲಿ ಹಿಂಬಾಲಿಸುತ್ತಾರೆ. ಆದರೆ, ಅವರು ವಿಶ್ವಾದ್ಯಂತ ಫಾಲೋ ಮಾಡುವುದು 1700 ಮಂದಿಯನ್ನು ಮಾತ್ರ. ಅಂಥ ಮೋದಿ ಬೆಂಗಳೂರಿನ ಯುವಕನನ್ನು ಟ್ವಿಟರ್‌ನಲ್ಲಿ ಫಾಲೋ ಮಾಡುತ್ತಿದ್ದಾರೆ. ಅದಕ್ಕೆ ಕಾರಣವಾಗಿದ್ದು “ಸ್ವತ್ಛ ಭಾರತ ಅಭಿಯಾನ!’ 

ಬೆಂಗಳೂರಿನಲ್ಲಿರುವ ಅಕಾಶ್‌ ಜೈನ್‌ ಅವರ ಸಹೋದರಿಗೆ ಮದುವೆ ನಿಶ್ಚಯವಾಧಿಗಿದೆ. ಮದುವೆ ಆಮಂತ್ರಣದಲ್ಲಿ ಅವರ ಕುಟುಂಬದವರು ಸ್ವತ್ಛ ಭಾರತ ಅಭಿಯಾನದ ಲೋಗೋವನ್ನು ಮುದ್ರಿಸಿದ್ದು, ಅದನ್ನಧಿವರು ಪ್ರಧಾನಿ ಅವರ ಟ್ವಿಟರ್‌ ಖಾತೆಗೆ ಟ್ಯಾಗ್‌ ಮಾಡಿದ್ದರು.

ಇದು ಹಲವು ಬಿಜೆಪಿ ನಾಯಕರ, ಸಚಿವರ ಗಮನಕ್ಕೆ ಬಂದಿದ್ದು, ಪೋಸ್ಟ್‌ ಅನ್ನು ರಿ ಟ್ವೀಟ್‌ ಮಾಡಿದ್ದರು. ಮದುವೆ ಕಾರ್ಯಕ್ರಮದಲ್ಲೂ ಸರ್ಕಾರದ ಅಭಿಯಾನವನ್ನು ಬೆಂಬಲಿಸುವಂತೆ ಅಕಾಶ್‌ ಕುಟುಂಬ ಲೋಗೋ ಹಾಕಿದ್ದು ವೈರಲ್‌ ಆಗಿತ್ತು.

ಪರಿಣಾಮ ಪ್ರಧಾನಿ ಮೋದಿ ಅವರೂ ಕೆಲ ಹೊತ್ತಿನಲ್ಲಿ ಅಕಾಶ್‌ ಅವರನ್ನು ಫಾಲೋ ಮಾಡಿದ್ದಾರೆ! ಪ್ರಧಾನಿ ಮೋದಿ ಅವರು  ಟ್ವಿಟ್ಟರ್‌ನಲ್ಲಿ ಹಿಂಬಾಲಿಸಿದ್ದನ್ನು ಟ್ವೀಟ್‌ ಮೂಲಕ ಆಕಾಶ್‌ ಅವರು ಹೇಳಿದ್ದು, “ಮೋದಿ ಅವರು ತಮ್ಮನ್ನು ಹಿಂಬಾಲಿಸುತ್ತಾರೆಂದು ಗ್ರಹಿಸಲೇ ಇಲ್ಲ. ಇದು ತೀರ ಅಚ್ಚರಿ ತಂದಿದೆ’ ಎಂದು ಹೇಳಿದ್ದಾರೆ.