Modi govt ಸ್ಥಾಯೀ ಸಮಿತಿ ಶಿಫಾರಸಿಗೆ ಮೋದಿ ನಕಾರ

ಹೊಸದಿಲ್ಲಿ: ವಸಹಾತುಶಾಹಿ ಕಾಲದ ಕ್ರಿಮಿನಲ್‌ ಕಾನೂನು ಗಳನ್ನು ಬದಲಿಸಲು ಪ್ರಸ್ತಾಪಿಸಿರುವ “ಭಾರತೀಯ ನ್ಯಾಯ ಸಂಹಿತಾ ಮಸೂದೆ- 2023’ಯಲ್ಲಿ ಅಳವಡಿಸಲು ಸಂಸದೀಯ ಸ್ಥಾಯಿ ಸಮಿತಿ ನೀಡಿರುವ 2 ಶಿಫಾರಸುಗಳನ್ನು ಮೋದಿ ನೇತೃತ್ವದ ಕೇಂದ್ರ ಸಚಿವ ಸಂಪುಟ ನಿರಾಕರಿಸಿದೆ ಎಂದು ಮೂಲಗಳು ತಿಳಿಸಿವೆ.

ಸಮಿತಿಯ ಶಿಫಾರಸಿನಲ್ಲಿ ವ್ಯಭಿಚಾರಕ್ಕೆ ಸಂಬಂಧಿತ ಅಪರಾಧ ಗಳನ್ನು ಹಾಗೂ ಸಲಿಂಗಕಾಮ ಸಂಬಂಧವನ್ನು ನೂತನ ಮಸೂದೆಯ ವ್ಯಾಪ್ತಿಯಲ್ಲೇ ಸೇರಿಸಿಕೊಳ್ಳಬೇಕೆಂದು ಹೇಳಲಾಗಿತ್ತು. ಆದರೆ, ಈ ಎರಡೂ ವಿಷಯಗಳಿಗೆ ಸಂಬಂಧಿಸಿದಂತೆ ಈಗಾಗಲೇ ಸುಪ್ರೀಂಕೋರ್ಟ್‌ ತೀರ್ಪು ನೀಡಿದೆ.

ಈ ವಿಷಯಗಳನ್ನು ಸೇರ್ಪಡೆಗೊಳಿಸಿದರೆ ಸುಪ್ರೀಂನ ತೀರ್ಪು ಉಲ್ಲಂಘಿಸಬೇಕಾಗುತ್ತದೆ ಎಂದು ಕಾರಣ ನೀಡಿ ಸಂಪುಟವು ಶಿಫಾರಸುಗಳನ್ನು ಕೈಬಿಟ್ಟಿದೆ ಎನ್ನಲಾಗಿದೆ. ಅಲ್ಲದೇ ಮಸೂದೆ ಮಂಡನೆಗೆ ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರಿಗೆ ಸಮ್ಮತಿಯನ್ನೂ ನೀಡಿದೆ ಎಂದು ತಿಳಿದುಬಂದಿದೆ.