Mizoram: ಎನ್‌ಐಎಯಿಂದ ಮ್ಯಾನ್ಮಾರ್‌ ಪ್ರಜೆ ಸೇರಿ ಮೂವರ ಸೆರೆ

ಹೊಸದಿಲ್ಲಿ: ಮಿಜೋರಾಂನಲ್ಲಿ ಎನ್‌ಐಎ (ರಾಷ್ಟ್ರೀಯ ತನಿಖಾ ಸಂಸ್ಥೆ) ನಡೆಸಿದ ಶೋಧ ಕಾರ್ಯಾಚರಣೆ ವೇಳೆ ಮ್ಯಾನ್ಮಾರ್‌ ಪ್ರಜೆಯೂ ಸೇರಿ ಮೂವರನ್ನು ಬಂಧಿಸ ಲಾಗಿದೆ.

ಶಂಕಿತರ ಮನೆಗೆ ದಿಢೀರ್‌ ದಾಳಿ ನಡೆಸಿ, ಶೋಧ ನಡೆಸಲಾಗಿತ್ತು. ಈ ವೇಳೆ ಹಲವು ಮಹತ್ವದ ವಸ್ತುಗಳು ತನಿಖಾ ಸಂಸ್ಥೆಯ ಕೈಸೇರಿವೆ. ಮ್ಯಾನ್ಮಾರ್‌ನ ಹೆನ್ರಿ ಸಿಯಾಂಗು°ನ (48), ಸ್ಥಳೀಯರಾದ ರೋಹ್ಲುಪುಯ (55), ಸಿ.ಲಾಲ್ಡಿನ್ಸಾಗ (43) ಬಂಧನಕ್ಕೊಳಗಾದವರು. ಈ ವ್ಯಕ್ತಿಗಳನ್ನು ಐಜ್ವಾಲ್‌ನಲ್ಲಿರುವ ಎನ್‌ಐಎ ನ್ಯಾಯಾ ಲಯಕ್ಕೆ ಹಾಜರುಪಡಿಸಿ, ಎನ್‌ಐಎ ತನ್ನ ವಶಕ್ಕೆ ತೆಗೆದುಕೊಳ್ಳಲಿದೆ.

ಮಿಜೋರಾಂನಲ್ಲಿ ಕಳೆದವರ್ಷ ಮೇ 1ರಂದು ನಡೆದ ದಾಳಿಯ ವೇಳೆ ಎರಡು ಪಿಕಪ್‌ ಟ್ರಕ್‌ಗಳನ್ನು ವಶ ಪಡಿಸಿಕೊಳ್ಳಲಾಗಿತ್ತು. ಅವುಗಳಲ್ಲಿ ಭಾರೀ ಪ್ರಮಾಣದ ಸ್ಫೋಟಕಗಳು, ಶಸ್ತ್ರಾಸ್ತ್ರಗಳು, ಮದ್ದುಗುಂಡುಗಳು ತುಂಬಿಕೊಂಡಿದ್ದವು.