ಶೋಕಾಸ್‌ ನೊಟೀಸ್‌ ಫ‌ಲಶ್ರುತಿ : ಮಿಜೋರಾಂ ಗೃಹ ಸಚಿವ ರಾಜೀನಾಮೆ

ಐಜಾಲ್‌ : ಮಿಜೋರಾಂ ಗೃಹ ಸಚಿವ ಲಾಲ್‌ಝಿರ್ಲಿಯಾನಾ ಅವರು ಇಂದು ಶುಕ್ರವಾರ ಲಾಲ್‌ ಥನವಾಲಾ ಕ್ಯಾಬಿನೆಟ್‌ಗೆ ತಮ್ಮ ರಾಜೀನಾಮೆಯನ್ನು ಸಲ್ಲಿಸಿದ್ದಾರೆ ಎಂದು ಸಿಎಂಓಮೂಲಗಳು ತಿಳಿಸಿವೆ.

ಲಾಲ್‌ಝಿರ್ಲಿಯಾನಾ ಅವರು ತಮ್ಮ ಬೆಂಬಲಿಗರೊಂದಿಗೆ ರಾಜೀನಾಮೆ ಪತ್ರ ಸಲ್ಲಿಸಲು ಮುಖ್ಯಮಂತ್ರಿ ಕಾರ್ಯಾಲಯ ಮತ್ತು ನಿವಾಸಕ್ಕೆ ಆಗಮಿಸಿದಾಗ ಸಿಎಂ ಲಾಲ್‌ ಥನವಾಲಾ ಅವರು ಪಟ್ಟಣದಿಂದ ಹೊರಗಿದ್ದರು. ಹಾಗಾಗಿ ಅವರು ತಮ್ಮ ರಾಜೀನಾಮೆ ಪತ್ರವನ್ನು ಸಿಎಂ ಮುಖ್ಯ ಕಾರ್ಯದರ್ಶಿ ಲಾಲ್‌ರಾಮ್‌ಥಂಗಾ ಅವರಿಗೆ ನೀಡಿದರು.  

ಮಿಜೋರಾಂ ಪ್ರದೇಶ ಕಾಂಗ್ರೆಸ್‌ ಸಮಿತಿಯ ಉಪಾಧ್ಯಕ್ಷರಾಗಿರುವ ಲಾಲ್‌ಝಿರ್ಲಿಯಾನಾ ಅವರಿಗೆ ಕಳೆದ ಸೆ.11ರಂದು ಎಂಪಿಸಿಸಿ ಶೋಕಾಸ್‌ ನೋಟೀಸ್‌ ಜಾರಿ ಮಾಡಿತ್ತು. ಪಕ್ಷದ ಕಾರ್ಯಕರ್ತರನ್ನು ಗೊಂದಲಕ್ಕೆ ಗುರಿಪಡಿಸುತ್ತಿರುವುದಾಗಿ ಅವರ ವಿರುದ್ಧ ಆರೋಪಿಸಲಾಗಿತ್ತು.