Advertisement
13 ಅಖಾರಾದ ಸಾಧುಗಳಿಂದ ಪುಣ್ಯಸ್ನಾನ: ಹರ ಹರ ಗಂಗೆ, ಗಂಗಾ ಮೈಯಾ ಕಿ ಜೈ ಎಂಬ ಉದ್ಘೋಷಗಳು ಇಲ್ಲಿ ಮೊಳಗಿದವು. 13 ಅಖಾರಾದ ನಾಗಾ ಸಾಧುಗಳು ಮೌನಿ ಅಮಾವಾಸ್ಯೆಯಂದು ಪುಣ್ಯಸ್ನಾನ ಮಾಡಿದ್ದಾರೆ. ಪ್ರತಿ ಅಖಾರಕ್ಕೂ 30-40 ನಿಮಿಷಗಳನ್ನು ಮೀಸಲಿಡಲಾಗಿತ್ತು. ಸೋಮವಾರ ಅಪಾರ ಸಂಖ್ಯೆಯಲ್ಲಿ ಭಕ್ತರು ಆಗಮಿಸುವ ನಿರೀಕ್ಷೆ ಇದ್ದುದರಿಂದ, ವಿಶೇಷ ಭದ್ರತೆ ಆಯೋಜಿಸಲಾಗಿತ್ತು.
ಮೌನಿ ಅಮಾವಾಸ್ಯೆಯನ್ನು ಮಾಘ ಅಮಾವಾಸ್ಯೆ ಎಂದೂ ಕರೆಯಲಾಗುತ್ತದೆ. ಪ್ರತಿ ಅಮಾವಾಸ್ಯೆಗೂ ಒಂದೊಂದು ವಿಶೇಷತೆ ಯನ್ನು ಹಿಂದೂ ನಂಬಿಕೆ ಹೊಂದಿದ್ದು, ಈ ಅಮಾವಾಸ್ಯೆಯಂದು ಮೌನವಾಗಿದ್ದು, ಮನಸಿನ ಹಿಡಿತ ಸಾಧಿಸಬೇಕು ಎಂದು ಸೂಚಿಸಲಾಗಿದೆ. ಹೀಗಾಗಿ ಮೌನಿ ಅಮಾವಾಸ್ಯೆ ಯಂದು ಮೌನವಾಗಿರಬೇಕು ಎಂದು ಹೇಳಲಾಗುತ್ತದೆ. ಈ ಬಾರಿ ಸೋಮವಾರವೇ ಈ ಅಮಾವಾಸ್ಯೆ ಬಂದಿರುವುದರಿಂದ ಇದು ಇನ್ನಷ್ಟು ವಿಶೇಷತೆ ಒಳಗೊಂಡಿದೆ. ಸೋಮವಾರ ಸಾಮಾನ್ಯ ಅಮಾವಾಸ್ಯೆಯನ್ನು ಸೋಮವತಿ ಅಮಾವಾಸ್ಯೆ ಎಂದು ಕರೆಯಲಾ ಗುತ್ತದೆ. ಹೀಗಾಗಿ ಈ ಬಾರಿ ಕುಂಭ ಮೇಳದ ವೇಳೆ ಮಾಘ ಮಾಸದ ಅಮಾವಾಸ್ಯೆಯ ಜೊತೆಗೆ, ಸೋಮವತಿ ಅಮಾವಾಸ್ಯೆಯೂ ಸೇರಿ ಅತ್ಯಂತ ಪವಿತ್ರವಾಗಿದೆ.