ಮೀ ಟೂ ಆರೋಪಗಳಿಗೆ ಚೇತನ್‌ ಭಗತ್‌ ಪ್ರತಿಕ್ರಿಯೆ: ನಾನು ಅಮಾಯಕ

ಹೊಸದಿಲ್ಲಿ : ‘ಖ್ಯಾತ ಲೇಖಕ ಚೇತನ್‌ ಭಗತ್‌ ಅವರು ತನ್ನ ವಿರುದ್ದ ಸುಳ್ಳು ಲೈಂಗಿಕ ದುರ್ನಡತೆಯ ಆರೋಪ ಮಾಡುವ ಮೂಲಕ ಅನಗತ್ಯವಾಗಿ ತನ್ನನ್ನು ಈ ಅಭಿಯಾನಕ್ಕೆ ಎಳೆದು ತರಲಾಗುತ್ತಿದೆ; ಇಂಥ ಸುಳ್ಳು ಅಪಪ್ರಚಾರವನ್ನು ಯಾರೂ ನಂಬಬಾರದು; ನಾನು ಅಮಾಯಕ, ಮುಗ್ಧ’  ಎಂದು ಟ್ವೀಟರ್‌ನಲ್ಲಿ ಹೇಳಿದ್ದಾರೆ.

ತನ್ನ ಮಾತಿನ ಸತ್ಯವನ್ನು ಬಲಪಡಿಸಲು ಚೇತನ್‌ ಅವರು ತನ್ನ ವಿರುದ್ಧ ಲೈಂಗಿಕ ದುರ್ನಡತೆಯ ಆರೋಪ ಮಾಡಿರುವ ಮಹಿಳೆಯೊಂದಿಗೆ ತನ್ನ ಇ-ಮೇಲ್‌ ಸಂವಾದದ ಸ್ಕ್ರೀನ್‌ ಶಾಟನ್ನು ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿದದ್ದಾರೆ. 

ಚೇತನ್‌ ಭಗತ್‌ ತನ್ನ ಟ್ವೀಟ್‌ ನಲ್ಲಿ ಹೀಗೆ ಬರೆದಿದ್ದಾರೆ : “ಹಾಗಿದ್ದರೆ ಯಾರು ಯಾರನ್ನು ಕಿಸ್‌ ಮಾಡಲು ಬಯಸಿದ್ದರು ? ಇರಾ ತ್ರಿವೇದಿ ಅವರಿಂದ 2013ರಿಂದ ಬಂದಿರುವ ಇಮೇಲ್‌ಗ‌ಳು 2013ರಿಂದ ಆಕೆ ಸುಳ್ಳು ಹೇಳಲಾರಂಭಿಸಿರುವುದನ್ನು ಶ್ರುತಪಡಿಸುತ್ತವೆ ಮತ್ತು ಇದು ಆಕೆಗೆ ಗೊತ್ತಿದೆ ಕೂಡ. ಈ ರೀತಿಯಲ್ಲಿ ನನಗೆ ಮತ್ತು ನನ್ನ ಕುಟುಂಬದವರಿಗೆ ನೀಡಲಾಗುತ್ತಿರುವ ಮಾನಸಿಕ ಕಿರುಕುಳ ಇನ್ನಾದರೂ ನಿಲ್ಲಬೇಕಿದೆ. ದಯವಿಟ್ಟು ಈ ರೀತಿಯ ಸುಳ್ಳು ಆರೋಪಗಳ ಮೂಲಕ ಮೀ ಟೂ ಅಭಿಯಾನಕ್ಕೆ ಹಾನಿ ಉಂಟು ಮಾಡಬೇಡಿ’.

ಚೇತನ್‌ ಭಗತ್‌ ಅವರು ತನ್ನ ವಿರುದ್ಧ ಮಾಡಲಾಗಿರುವ ಲೈಂಗಿಕ ದುರ್ನಡತೆಯ ಮೀ ಟೂ ಆರೋಪಗಳನ್ನು ಯಾರೂ ನಂಬಬಾರದು ಎಂದು ತಮ್ಮ ಸರಣಿ ಟ್ವೀಟ್‌ಗಳ ಮೂಲಕ ಬಿನ್ನವಿಸಿಕೊಂಡಿದ್ದಾರೆ.