Swiss Open tennis; ಮ್ಯಾಟಿಯೊ ಬರೆಟಿನಿ ಚಾಂಪಿಯನ್‌

ಗಸ್ಟಾಡ್‌ (ಸ್ವಿಜರ್ಲೆಂಡ್‌): ಇಟಲಿಯ ಮ್ಯಾಟಿಯೊ ಬರೆಟಿನಿ “ಸ್ವಿಸ್‌ ಓಪನ್‌ ಟೆನಿಸ್‌’ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. 6ನೇ ಶ್ರೇಯಾಂಕದ ಬರೆಟಿನಿ ಫೈನಲ್‌ನಲ್ಲಿ ಫ್ರಾನ್ಸ್‌ನ ಅರ್ಹತಾ ಆಟಗಾರ ಕ್ವೆಂಟಿನ್‌ ಹ್ಯಾಲಿಸ್‌ ವಿರುದ್ಧ ಕೇವಲ 59 ನಿಮಿಷಗಳಲ್ಲಿ 6-3, 6-1 ಅಂತರದ ಜಯ ಸಾಧಿಸಿದರು. ಇದು ಪ್ರಸಕ್ತ ಸೀಸನ್‌ನಲ್ಲಿ ಬರೆಟಿನಿ ಗೆದ್ದ 2ನೇ ಪ್ರಶಸ್ತಿ.

ಫೈನಲ್‌ನಲ್ಲಿ ಎಡವಿದ ನಡಾಲ್‌
ಬಸ್ಟಾಡ್‌ (ಸ್ವೀಡನ್‌): 2022ರ ಬಳಿಕ ಮೊದಲ ಫೈನಲ್‌ ಕಂಡ ರಫೆಲ್‌ ನಡಾಲ್‌, ಸ್ವೀಡಿಶ್‌ ಓಪನ್‌ ಟೆನಿಸ್‌ ಪಂದ್ಯಾವಳಿಯಲ್ಲಿ ರನ್ನರ್ ಅಪ್‌ ಸ್ಥಾನಕ್ಕೆ ಸಮಾಧಾನಪಟ್ಟರು. ಇವರೆದುರು ಪೋರ್ಚುಗಲ್‌ನ ನುನೊ ಬೋಗ್ಸ್‌ì 6-3, 6-2 ಅಂತರದ ಗೆಲುವು ಸಾಧಿಸಿದರು.

ಯೂಕಿ-ಅಲ್ಬಾನೊ ಜೋಡಿಗೆ ಪ್ರಶಸ್ತಿ
ಯೂಕಿ ಭಾಂಬ್ರಿ ಮತ್ತು ಫ್ರಾನ್ಸ್‌ನ ಅಲ್ಬಾನೊ ಒಲಿವೆಟ್‌ ಸೇರಿಕೊಂಡು ಸ್ವಿಸ್‌ ಓಪನ್‌ ಎಟಿಪಿ ಟೂರ್‌ ಟೆನಿಸ್‌ ಪ್ರಶಸ್ತಿ ಜಯಿಸಿದ್ದಾರೆ. ತೀವ್ರ ಹೋರಾಟ ಕಂಡ ಫೈನಲ್‌ನಲ್ಲಿ ಯುಗೊ ಹಂಬರ್ಟ್‌ -ಫ್ಯಾಬ್ರಿಕ್‌ ಮಾರ್ಟಿನ್‌ ವಿರುದ್ಧ 3-6, 6-3, 10-6 ಅಂತರದ ಗೆಲುವು ಸಾಧಿಸಿದರು. ಇದು ಯೂಕಿ ಭಾಂಬ್ರಿ ಗೆದ್ದ 3ನೇ ಎಟಿಪಿ ಡಬಲ್ಸ್‌ ಪ್ರಶಸ್ತಿ. ಒಲಿವೆಟ್‌ ಜತೆಗೂಡಿ ಜಯಿಸಿದ 2ನೇ ಪ್ರಶಸ್ತಿ.