ವಾಯುಪಡೆ ಹಿರಿಯ ಮಾರ್ಷಲ್‌ ಅರ್ಜಾನ್‌ ಸಿಂಗ್‌ ದೇಹಸ್ಥಿತಿ ಗಂಭೀರ

ಹೊಸದಿಲ್ಲಿ : 98ರ ಹರೆಯದ ಭಾರತೀಯ ವಾಯು ಪಡೆಯ ಮಾರ್ಷಲ್‌ ಅರ್ಜಾನ್‌ ಸಿಂಗ್‌ ಅವರನ್ನು ಇಂದು ಶನಿವಾರ ಬೆಳಗ್ಗೆ ದಿಲ್ಲಿಯ ಆರ್ಮಿ ರಿಸರ್ಚ್‌ ಮತ್ತು ರೆಫ‌ರೆಲ್‌ ಆಸ್ಪತ್ರೆಗೆ ಸೇರಿಸಲಾಗಿದ್ದು ಅವರ ದೇಹಸ್ಥಿತಿ ಗಂಭೀರವಿದೆ ಎಂದು ಘೋಷಿಸಲಾಗಿದೆ.

ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ಅರ್ಜಾನ್‌ ಸಿಂಗ್‌  ಅವರಿಗೆ ಇಂದು ಬೆಳಗ್ಗೆ ಹೃದಯಾಘಾತವಾಗಿರುವುದನ್ನು ಶಂಕಿಸಲಾಗಿದೆ ಎಂದು ಹೇಳಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿ ಮತ್ತು ಸೀತಾರಾಮನ್‌ ಅವರು ಆಸ್ಪತ್ರೆಗೆ ತೆರಳಿ ಅರ್ಜಾನ್‌ ಸಿಂಗ್‌ ಅವರನ್ನು  ಭೇಟಿಯಾಗಿದ್ದಾರೆ. ಅರ್ಜಾನ್‌ ಸಿಂಗ್‌ ಅವರು 5-ಸ್ಟಾರ್‌ ದರ್ಜೆಗೆ ಭಡ್ತಿ ಪಡೆದಿರುವ ಭಾರತೀಯ ವಾಯು ಪಡೆಯ ಏಕೈಕ ಅಧಿಕಾರಿಯಾಗಿದ್ದಾರೆ.