ಮದುವೆ ಹುಡುಗ ತಡವಾಗಿ ಬಂದ ಎಂದು ಬೇರೆಯವನನ್ನು ಮದುವೆಯಾದ ಹುಡುಗಿ

ಲಕ್ನೋ: ಮದುವೆಯಾಗಬೇಕಾದ ಹುಡುಗ ತಡವಾಗಿ ಬಂದ ಎಂಬ ಕಾರಣಕ್ಕೆ ವಧು ಬೇರೆಯವನನ್ನೇ ಮದುವೆಯಾದ ಘಟನೆ ಉತ್ತರ ಪ್ರದೇಶದ ಬಿಜ್ನೋರ್ ಜಿಲ್ಲೆಯ ನಂಗಲ್ಜತ್ ಎಂಬಲ್ಲಿ ನಡೆದಿದೆ.

ಮದುವೆಯ ದಿನ ಮಧ್ಯಾಹ್ನ ಎರಡು ಗಂಟೆಗೆ ಮದುವೆ ಮನೆಗೆ ಬರಬೇಕಾದ ವರ ಬರುವಾಗ ರಾತ್ರಿಯಾಗಿತ್ತು. ಕಾದು ಕಾದು ಸುಸ್ತಾದ ವಧುವಿನ ಕಡೆಯವರು ವರ ಬಂದ ಕೂಡಲೇ ಗಲಾಟೆ ಮಾಡಿದ್ದಾರೆ. ಇದಕ್ಕೂ ಮೊದಲು ವರಧಕ್ಷಿಣೆ ವಿಚಾರದಲ್ಲೂ ಎರಡೂ ಕಡೆಯವರಿಗೆ ಗಲಾಟೆ ನಡೆದಿತ್ತು ಎನ್ನಲಾಗಿದೆ.

ವಧುವಿನ ಕಡೆಯವರು ವರನ ಕಡೆಯವರಿಗೆ ಥಳಿಸಿದ್ದಾರೆ ಎಂದು ದೂರು ದಾಖಲಾಗಿದೆ. ನಂತರ ಕುಟುಂಬಗಳು ರಾಜಿ ಮಾಡಿಕೊಂಡರೂ ವಧು ಆ ವರನನ್ನು ಮದುವೆಯಾಗಲು ಒಪ್ಪದ ಕಾರಣ ಬೇರೆ ಹುಡುಗನೊಂದಿಗೆ ಆಕೆಯ ಮದುವೆಯಾಗಿದೆ.