ಫ‌ುಟ್‌ಬಾಲ್‌ಗೆ ಮಾರಿಯೊ ಮಾಂಝುಕಿಕ್‌ ವಿದಾಯ

ಸ್ಲವೋಂಸ್ಕಿ ಬ್ರಾಡ್‌: ಕ್ರೊವೇಶಿಯದ ಸ್ಟಾರ್‌ ಫ‌ುಟ್ಬಾಲಿಗ ಮಾರಿಯೊ ಮಾಂಝುಕಿಕ್‌ ಅಂತಾರಾಷ್ಟ್ರೀಯ ಫ‌ುಟ್‌ಬಾಲ್‌ಗೆ ವಿದಾಯ ಹೇಳಿದ್ದಾರೆ.  ಇತ್ತೀಚೆಗೆ ಮುಕ್ತಾಯವಾಗಿದ್ದ ವಿಶ್ವಕಪ್‌ ಫ‌ುಟ್‌ಬಾಲ್‌ ಕೂಟದಲ್ಲಿ ಕ್ರೊವೇಶಿಯ ಅಚ್ಚರಿಯ ಪ್ರದರ್ಶನ ನೀಡಿ ಫೈನಲ್‌ ಪ್ರವೇಶಿಸಿತ್ತು. ಕ್ರೊವೇಶಿಯ ಪರ ಮಾರಿಯೊ ಅತ್ಯುತ್ತಮ ಆಟ ಪ್ರದರ್ಶಿಸಿ ಗಮನ ಸೆಳೆದಿದ್ದರು. 2 ವಿಶ್ವಕಪ್‌, 2 ಯುರೋಪ್‌ ಚಾಂಪಿಯನ್‌ಶಿಪ್‌ ಕೂಟಗಳಲ್ಲಿ ಮಾಂಝುಕಿಕ್‌ ದೇಶವನ್ನು ಪ್ರತಿನಿಧಿಸಿದ್ದರು. ಕ್ರೊವೇಶಿಯ ಪರ ಒಟ್ಟು 89 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿರುವ ಅವರು 33 ಗೋಲು ಬಾರಿಸಿದ್ದಾರೆ.