ಮರೀನ್‌ ಡ್ರೈವ್‌ “ಪಾರಂಪರಿಕ ತಾಣ’ಆಗುವುದು ಬೇಡ: ಸ್ಥಳೀಯರು

ಮುಂಬಯಿ : ವಿಶ್ವವಿಖ್ಯಾತ ಮರೀನ್‌ ಡ್ರೈವ್‌ನ್ನು ವಿಶ್ವ ಪಾರಂಪರಿಕ ತಾಣವೆಂದು ಘೋಷಿಸುವ ಪ್ರಸ್ತಾಪವನ್ನು ಸ್ಥಳೀಯ ನಿವಾಸಿಗಳು ವಿರೋಧಿಸಿದ್ದಾರೆ.

ಯುನೆಸ್ಕೋ ತಂಡ ಒಂದು ವಾರದೊಳಗೆ ಮರೀನ್‌ ಡ್ರೈವ್‌ಗೆ ಭೇಟಿ ನೀಡಿ, ವಿಶ್ವ ಪಾರಂಪರಿಕ ತಾಣವೆಂದು ಘೋಷಿಸುವ ಕುರಿತು ಪರಿಶೀಲನೆ ನಡೆಸಲಿದೆ. ಈ ಪ್ರಸ್ತಾವನೆಯ ಕುರಿತು ಸರಕಾರವಾಗಲೀ, ಬೃಹನ್ಮುಂಬಯಿ ಮಹಾನಗರ ಪಾಲಿಕೆಯಾಗಲೀ ತಮ್ಮನ್ನು ಸಂಪರ್ಕಿಸಿಲ್ಲ, ಅಭಿಪ್ರಾಯವನ್ನೂ ಕೇಳಿಲ್ಲ. 

ವಿಶ್ವ ಪಾರಂಪರಿಕ ತಾಣವೆಂದು ಘೋಷಣೆಯಾದರೆ ಈ ಪ್ರದೇಶ ದಲ್ಲಿ ಯಾವುದೇ ಅಭಿವೃದ್ಧಿ ಕಾರ್ಯಗಳೂ ಸಾಧ್ಯವಾಗುವುದಿಲ್ಲ. ದುಸ್ಥಿತಿಯಲ್ಲಿರುವ ಹಳೆಯ ಕಟ್ಟಡಗಳ ದುರಸ್ತಿ ಮಾಡುವುದಕ್ಕೂ ಅವಕಾಶ ಸಿಗುವುದಿಲ್ಲ. ಅಭಿವೃದ್ಧಿ ವಿರೋಧಿಯಾದ ಇಂತಹ ಘೋಷಣೆ ಬೇಡ ಎಂದು ಸ್ಥಳೀಯರು ಹೇಳಿದ್ದಾರೆ.