Kaatera, Guntur kaaram: ಓಟಿಟಿಯಲ್ಲಿ ಸ್ಟಾರ್ ಹವಾ; ಹಲವು ಸಿನಿಮಾಗಳು ಬಿಡುಗಡೆ

ಓಟಿಟಿಯಲ್ಲಿ ಸಿನಿಮಾ ನೋಡಿ ಖುಷಿಪಡುವವರಿಗೆ ಈ ವಾರ ಹಬ್ಬ. ಅದಕ್ಕೆ ಕಾರಣ ಸಾಲು ಸಾಲು ಸಿನಿಮಾಗಳು. ಹೌದು, ಬೇರೆ ಬೇರೆ ಓಟಿಟಿ ವೇದಿಕೆಗಳಲ್ಲಿ ಸ್ಟಾರ್‌ಗಳ ಸಿನಿಮಾಗಳು ರಿಲೀಸ್‌ ಆಗುವ ಮೂಲಕ ಸಿನಿಪ್ರೇಮಿಗಳ ಮೊಗದಲ್ಲಿ ನಗು ಮೂಡಿದೆ. ಮುಖ್ಯವಾಗಿ ದರ್ಶನ್‌, ಧನುಶ್‌, ಮಹೇಶ್‌ ಬಾಬು ಹಾಗೂ ಶಿವಕಾರ್ತಿಕೇಯನ್‌ ನಟನೆಯ ಸಿನಿಮಾಗಳು ಓಟಿಟಿಯಲ್ಲಿ ತೆರೆಕಂಡಿವೆ.

ದರ್ಶನ್‌ ನಟನೆಯ “ಕಾಟೇರ’ ಚಿತ್ರ ಚಿತ್ರಮಂದಿರದಲ್ಲಿ ದೊಡ್ಡ ಹಿಟ್‌ ಆಗಿ, ಚಿತ್ರರಂಗಕ್ಕೆ ಹೊಸ ಚೈತನ್ಯ ತುಂಬಿತ್ತು. ಈಗ ಈ ಚಿತ್ರ ಜೀ 5ನಲ್ಲಿ ತೆರೆಕಂಡಿದ್ದು, ಅಲ್ಲೂ ದೊಡ್ಡ ಸಂಖ್ಯೆಯಲ್ಲಿ ವೀಕ್ಷಣೆಯಾಗುತ್ತಿದೆ.

ಇನ್ನು, ಮಹೇಶ್‌ ಬಾಬು ನಟನೆಯ “ಗುಂಟೂರು ಖಾರಂ’ ಕೂಡಾ ಓಟಿಟಿಗೆ ಬಂದಿದ್ದು, ನೆಟ್‌ ಫ್ಲಿಕ್ಸ್‌ನಲ್ಲಿ ಪ್ರಸಾರವಾಗುತ್ತಿದೆ. ಇದಲ್ಲದೇ ಧನುಶ್‌ ನಟನೆಯ “ಕ್ಯಾಪ್ಟನ್‌ ಮಿಲ್ಲರ್‌’ ಕೂಡಾ ಓಟಿಟಿಗೆ ಲಗ್ಗೆ ಇಟ್ಟಿದ್ದು, ಅಮೆಜಾನ್‌ ಪ್ರೈಮ್‌ನಲ್ಲಿ ತೆರೆಕಂಡಿದೆ.

ಇದಲ್ಲದೇ ತಮಿಳು ನಟ ಶಿವಕಾರ್ತಿಕೇಯನ್‌ ನಟನೆಯ “ಆಯಲಾನ್‌’ ಸಿನಿಮಾ ಕೂಡಾ ತೆರೆಕಂಡಿದೆ. ಇದರ ಜೊತೆಗೆ ಹಲವು ಮಲಯಾಳಂ ಸಿನಿಮಾಗಳು, ವೆಬ್‌ ಸೀರಿಸ್‌ಗಳು ತೆರೆಕಂಡಿವೆ.