Mangaluru: ರಿಪೇರಿಗೆಂದು ಇಟ್ಟಿದ್ದ ಬೈಕ್‌ ಕಳವು; ಪ್ರಕರಣ ದಾಖಲು

ಮಂಗಳೂರು: ಮನೆಯ ಬಳಿಯ ಗ್ಯಾರೇಜ್‌ನಲ್ಲಿ ರಿಪೇರಿಗೆಂದು ಇಟ್ಟಿದ್ದ ಬೈಕ್‌ ಕಳವಾಗಿರುವ ಬಗ್ಗೆ ಕಾವೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹಿತೇಶ್‌ ಕುಮಾರ್‌ ಅವರು ಪರಿಚಯಸ್ಥ ಮೆಕ್ಯಾನಿಕ್‌ ಓರ್ವರ ಬಳಿ ರಿಪೇರಿಗೆಂದು ತನ್ನ ಬೈಕ್‌ನ್ನು ನೀಡಿದ್ದರು. ಮೆಕ್ಯಾನಿಕ್‌ ಅದನ್ನು ಅವರ ಮನೆ ಬಳಿಯಲ್ಲೇ ಇರುವ ಗ್ಯಾರೇಜ್‌ನಲ್ಲಿ ಇಟ್ಟಿದ್ದರು. ಈ ಬೈಕ್‌ನ್ನು ನ.28ರಂದು ಸಂಜೆ 6ರಿಂದ ಮರುದಿನ ಬೆಳಗ್ಗೆ 6ರ ನಡುವೆ ಯಾರೋ ಕಳವು ಮಾಡಿಕೊಂಡು ಹೋಗಿದ್ದಾರೆ ಎಂದು ಪೊಲೀಸರಿಗೆ ದೂರು ನೀಡಲಾಗಿದೆ.