ಕೇರಳ ದೂರಿನ ಬೆನ್ನಲ್ಲೇ ಮಂಗಳೂರು- ಕಾಸರಗೋಡು ಹೆದ್ದಾರಿ ಓಪನ್: ವರದಿ

ಬೆಂಗಳೂರು: ರಾಜ್ಯಕ್ಕೆ ಅಗತ್ಯ ಸಾಮಾಗ್ರಿ ತಲುಪಿಸುವ ಹೆದ್ದಾರಿಯನ್ನು ಕರ್ನಾಟಕ ಮುಚ್ಚಿಸಿದೆ ಎಂದು ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಕೇಂದ್ರ ಸರಕಾರಕ್ಕೆ ದೂರಿದ ಬೆನ್ನಲ್ಲೇ ಮಂಗಳೂರು- ಕಾಸರಗೋಡು ಸೇರಿದಂತೆ ಮೂರು ಹೆದ್ದಾರಿಗಳನ್ನು ತೆರೆಯಲು ಕರ್ನಾಟಕ ಸರಕಾರ ನಿರ್ಧರಿಸಿದೆ ಎಂದು ವರದಿಯಾಗಿದೆ.

ಕೇಂದ್ರ ಸಚಿವ ಸದಾನಂದ ಗೌಡ ಅವರು ಕೇರಳ ಮತ್ತು ಕರ್ನಾಟಕದ ಮುಖ್ಯ ಕಾರ್ಯದರ್ಶಿಗಳೊಂದಿಗೆ ಮಾತುಕತೆ ನಡೆಸಿ ಈ ತೀರ್ಮಾನಕ್ಕೆ ಬರಲಾಗಿದೆ ಎಂದು ವರದಿಯಾಗಿದೆ. ಇದರಂತೆ ಮಂಗಳೂರು- ಕಾಸರಗೋಡು, ಮೈಸೂರು- ಹೆಚ್ ಡಿ ಕೋಟೆ ಮತ್ತು ಗುಂಡ್ಲುಪೇಟೆ ಮುತಂಗಾ ಹೆದ್ದಾರಿಗಳನ್ನು ತೆರೆಯಲಾಗುವುದು ಎಂದು ವರದಿಯಾಗಿದೆ.

ಕೊಡಗು- ತಲಶೇರಿ ಹೆದ್ದಾರಿಯನ್ನು ಕರ್ನಾಟಕ ಮುಚ್ಚಿತ್ತು. ಇದರಿಂದಾಗಿ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಕೇಂದ್ರ ಸರಕಾರಕ್ಕೆ ದೂರಿ ಪತ್ರ ಬರೆದಿದ್ದರು.