Advertisement
ಸಿಟಿ ಬಸ್ ಅಂದ ಮೇಲೆ ದಿನನಿತ್ಯ ನೂರಾರು ಮಂದಿ ಪ್ರಯಾಣಿಕರು ಸಂಚರಿಸುತ್ತಾರೆ. ಹೀಗಿರುವಾಗ ಕೋವಿಡ್ ರೋಗದ ಬಗ್ಗೆ ಮುನ್ನೆಚ್ಚರಿಕೆ ಅತ್ಯಗತ್ಯ. ಈ ನಿಟ್ಟಿನಲ್ಲಿ ಮಂಗಳೂರಿನ ಸ್ಟೇಟ್‌ಬ್ಯಾಂಕ್‌ ಬಸ್ ನಿಲ್ದಾಣದಿಂದ ಶಕ್ತಿನಗರಕ್ಕೆ ತೆರಳುವ 6ಎ ನಂಬರ್‌ನ ಸೈಶಾ ಹೆಸರಿನ ಸಿಟಿ ಬಸ್‌ನ ನಿರ್ವಾಹಕ ರಿಗೆ ಬಸ್ ಮಾಲಕರು ಪಿಪಿಇ ಕಿಟ್‌ ವಿತರಿಸಿದ್ದಾರೆ.
ಪ್ರತಿಕ್ರಿಯಿಸಿ, “ನಮ್ಮಲ್ಲಿ ಒಟ್ಟು 8 ಬಸ್‌ಗಳಿವೆ. ಈ ಪೈಕಿ 6 ಶಕ್ತಿನಗರಕ್ಕೆ, ತಲಾ ಒಂದೊಂದು ಕಟೀಲು ಮತ್ತು ಕಾವೂರು ಪ್ರದೇಶಕ್ಕೆ ತೆರಳುತ್ತದೆ. ಪ್ರಸ್ತುತ ಕೋವಿಡ್ ಹಿನ್ನೆಲೆಯಲ್ಲಿ ಒಂದು ಬಸ್ ಸಂಚರಿಸುತ್ತಿದ್ದು, ನಿರ್ವಾಹಕರಿಗೆ ಎರಡು ಜತೆ ವಾಶೆಬಲ್‌ ಪಿಪಿಇ ಕಿಟ್‌ ನೀಡಲಾಗಿದೆ. ಮುಂದಿನ ದಿನಗಳಲ್ಲಿ 8 ಬಸ್ಸುಗಳ ನಿರ್ವಾಹಕರಿಗೂ ಈ ಕಿಟ್‌ ನೀಡುತ್ತೇವೆ’ ಎಂದು ತಿಳಿಸಿದ್ದಾರೆ.